ТҮРКІСТАНДАҒЫ ХІ ЖАЗҒЫ УНИВЕРСИАДАНЫҢ АШЫЛУ САЛТАНАТЫНАН

        «Түркістан – Арена» стадионында  15 мамыр күні ХІ жазғы Универсиадасының ашылу салтанаты өтті. Ресми ашылу салтанаты тұғырымыз болған «Тәуелсіздіктің 30 жылдық», Түркістан – түркі әлемінің рухани астанасы атануы, «ХҚТУ – дің 30 жылдық» мерейтойы құрметіне арналды.

         Ашылу салтанаты еліміздің мемлекеттік Әнұранының Арена төрінде шырқалауымен басталып, ұлттық салт-дәстүр насихатталып, мәдениет, тәрбиемен ұштасқан қойылым көрсетілді. Мерекелік кеште – ҚР Білім және Ғылым министрі Асхат Қанатұлы Аймағанбетов құттықтау сөз сөйлеп, ҚР БҒМ Ұлттық ғылыми-практикалық дене тәрбиесі орталығының бас директоры Тастанбек Құтжанұлы Есентаев ХІ жазғы универсиадасын ашық деп жариялады. Сондай-ақ, Қожа Ахмет Ясауи атындағы Халықаралық қазақ – түрік университетінің ректоры Темірбекова Жанар Амангелдіқызы жалынды додаға сәттілік тіледі. Салтанатты рәсім «Turkistan TV» телеарнасынан тікелей эфирде қалың көрерменге ұсынылды.

         Бұл универсиада – 30 спорт түрінен өтетін 37 жарыста еліміздің түкпір-түкпірінен мықтыларды біріктірген ауқымды спорттық-бұқаралық жоба болып табылады.

Іңкәр АЛТАЕВА,

 Фараби атындағы мектеп – гимназия» КММ-нің

11 сынып оқушысы. Қарағанды қаласы, Қарағанды облысы.