ОЛ ҚАЗАҚ ЖЫРЫНЫҢ ХАН ТӘҢІРІСІ БОЛДЫ

        ХХ ғасырдағы қазақ поэзиясын зерттеушілер ұлтымыздың ақиық ақыны Мұқағали Мақатаевты «Алатаудың өлең алыбы», «Қазақ жырының Хан Тәңірісі» деп санайды. Оның өзіндік себептері де жетерлік. Сондықтан оның шығармашылығынан жақсы таныс өнерге жақын азаматтар оның туған күнің кең көлемде атап өтуде. Осы арқылы олар ұлы ақынға өз құрметтерін білдіруде.

         Біздің  кітапханамыздың ұжымы да ұлт мақтанышының туғанына 90 жыл толу құрметіне орай, «Қазақ жырының Хан Тәңірісі» атты жыр кешін өткізді.

         Поэзия әлемінде жарық жұлдыздай сәуле шашып, айырықша із қалдырған  ұлт мақтанышының «Өлсе өлер Мұқағали, Өлтіре алмас алайда өлеңді ешкім» деген өлең жолдары, халқымыздың мәңгілік қазынасы деп мақтанышпен айта аламыз. Сондай рухани құнды дүниені жас буынға жеткізу біздің басты міндетіміз саналады.

         Осы жыр шарасына Ж.Қалшораев ауылында орналасқан Қ.Әбделиев атындағы №54  ЖОМ-ның 8-сынып оқушылары – Зейнеп Абдусаттарова, Асылхат Әбілхан, сымбат Дәрібай, Айғаным Аңдасбек, Көркем Астанқұлдар атақты ақынның «Бір өлеңі – бір елдің мұрасындай», «Ақынға», «Бір әңгіме қозғашы ауыл жайлы», «Қазақ жері», «Анашым», «Отан» атты өлеңдерін бабына келтіре жатқа айтып беріп, жұрттың ризашылығына бөленді. Осылайша өнер кеші әсерлі өтті.   

З.ИЛИМОВА,

Ж.Қалшораев ауылдық филиал № 2 кітапхананың меңгерушісі.