АЛАШ ТҰТҚАСЫ

     Жуырда кітапханамызда ХХ-ғасырдың бас кезінде, жайындай  жарқ еткен, қазақ зиялыларының бірі, Алаш партиясының басшысы, қоғам қайраткері – Әлихан Бөкейханның туғанына 155 жыл толуына орайластырылып, «Алаш тұтқасы» атты тарихи кеш өткізілді. Ол тұлға өмір сүрген 20-шы ғасырдың бас кезі түрлі қиындықтар мен бұралаң жолдарымен бірге, қазақ ұлты үшін тарихи және саяси оқиғаларға бай болуымен халқымыздың тарихында алтын әріппен жазылған уақыт болатын. 

       Барлық санитарлық талаптар сақтала отырып өткізілген осы тарихи кешке О.Бапышов атындағы жалпы орта мектебінің мұғалімі Гулшат Исакова апай және де кітапханамыздың бірнеше тұрақты оқырманы қатысты. Тағлымы терең тарихи кеште Гулшат Исакова апай шараға жиналғандарға Әлихан Бөкейханның  саяси өмірі мен шығармашылығы, оның өмір сүрген кезеңі туралы оқырмандарға толымды ақпараттар берді. Осы шара барысында мен де сөзге шығып, көпшілікке – Қазақтарды руға да, жүзге де жіктемеген, әлеуметтік мәртебесіне де, біліміне қарай да бөле-жармаған қайталанбас тұлға Әлихан Бөкейхан жайлы құнды деректер айттым және де жиналғандарға кітапхана қызметкерлері тарапынан дайындалған «Алаш Әлиханы» атты кітап көрмесін таныстырдым.Бұл жерден кез-келген азамат халқымыздың ұлы тұлғасына қатысты құнды деректер ала алады.

      Өте тартымды, жинақы әрі терең тәрбиелік мәні бар жағдайда өткен осы кешті кітапханамыздың  тұрақты оқырманы Парида Тастанова апай қорытындылап, шараны ұйымдастырушыларға жиналғандар атынан алғыс айтты.

Д.БИЛИМБЕТОВА,

Атакент кенгі  — 2, филиал № 10  кітапханасының  меңгерушісі.