ҚОҒАМЫМЫЗҒА ПАРАҚОРЛЫҚ ҚАНДАЙ ЗИЯН КЕЛТІРІП ОТЫР?

        Қоғамымызға қатерлі дерт – парақорлықтың өлшеусіз зиян келтіріп отырғаны белгілі. Бұл сыбайлас жемқорлық қылмыстарының өте қауіпті түрі  болып табылады. Оның қауіптілігі, парақорлық ниетпен жасалынатын қылмыстармен араласып қосыла жасалынуда. Парақорлық, аппарат қызметінің дұрыс жұмыс істеуіне бөгет жасайды және олардың беделін кетіруге, үкімет және атқару органдарының қызметінде әділдік қағидасын бұзуға әкеп соқтырады.

Парақор көптеген қызметшілердің  адал екеніне  күмән туғызып, масқаралау  арқылы сенімсіздік келтіріп қана қоймай, жалпы мемлекетке, Конституциядағы азаматтардың мүдделері мен құқықтарын шектеуге, заңдылық қағидаларының бұрмалануы мен Қазақстан Республикасының нарықтық реформаларының дұрыс жүргізілуін тежейді.

       Парақорлық ұғымы  үш қылмыс құрамымен түсіндіріледі. Пара алу (311-бап);  Пара беру (312-бап);  Парақорлыққа делдал болу (313- бап).

         Мемлекеттік қызметке атқаруға уәкілетті адамның не оған теңестірілген адамның өзі немесе  делдал арқылы  пара  берушінің немесе оның өкілі болған болған адамның пайдасына  жасаған іс әрекеті  немесе әрекетсіздігі  үшін ақша, бағалы қағаздар, өзге де мүлік, мүлікке, құқығы немесе  мүлік сипатындағы  пайда түрінде  пара алу, егер мұндай іс-әрекет немесе әрекетсіздік лауазымды адамның қызметтік өкілеттігіне кіретін болса не ол қызметтік жағдайына байланысты  қызметтік осындай іс-әрекетке немесе әрекетсіздікке  мүмкіндік жасаса, сондай-ақ, жалпы қамқоршылығы немес қызметі бойынша жол берсе – ол заңға сәйкес, пара алу деп танылады.

       Пара алудың  объектісі мемлекеттік аппараттың  дұрыс жұмыс істеуіне кедергі жасап, оның халық арасындағы беделіне нұқсан келтіру болып табылады. Сол себепті оған ешқашан да жол беруге болмайды.

Д.КУЛЖУМУРОВ,

Жетісай АПҚБ-нің инспекторы,  

әділет аға лейтенанты.