БАС БОСТАНДЫҒЫН ШЕКТЕУ ЖАЗАСЫН БҰЗҒАНДАРДЫҢ ЖАУАПТЫЛЫҒЫ

Бас бостандығын шектеу – ҚР Заңдары талабымен  сотталған адамға оның бас бостандығын шектейтін белгілі бір міндеттерді жүктеу болып табылады.

Кей жағдайда азаматтың бас бостандығын шектеу, арнайы талаптар сақтала отырып, оны қоғамнан оқшауламай, бір жылдан бес жылға дейінгі мерзімге мамандандырылған органның қадағалауымен оның тұрғылықты жері бойынша өтілетін болады.

Ал егерде өзге жаза (қоғамдық  жұмыстарға немесе түзеу жұмыстарына тарту) бас бостандығын шектеуге ауыстырылған жағдайда, ол бір жылға жетпейтін мерзімге тағайындалуы да мүмкін. Есте ұстайтын нәрсе бас бостандығын шектеу ауыр және аса ауыр қылмыс жасағаны үшін сотталғандығы бар адамдарға, әскери қызметшілерге, сондай-ақ тұрақты тұратын жері жоқ адамдарға қатысты қолданылмайды.

Бас бостандығын шектеу түріндегі жазаны өтеу кезеңінде сот сотталған адамның мінез-құлқын қадағалауды жүзеге асыратын органның ұсынысы бойынша, сотталған адамға бұрын белгіленген міндеттердін күшін толық немесе ішінара жоя алады. Ал егер азамат белгіленген уақыт ішінде, пробациялық қызметтің талаптарын бұзса немесе өзіне міндеттелген шарттарды орындаудан бас тартса, онда ол ҚР Заңдарында белгіленген тәртіппен жауап беретін болады.

С.АДИЛОВ,

Мақтаарал аудандық Пробация қызметі бөлімінің аға инспекторы, әділет капитаны.