ТӘУЕЛСІЗДІК – ТҰҒЫРЫМ!
Posted by: Қалмұрат
in Қоғам
11/02/2021
33 Views
Бүгін «Қоғамдық келісім» КММ-нің, Мақтаарал аудандық филиалының ұйымдастыруымен, Қазақстан Республикасы Тәуелсіздігінің 30 жылдығына байланысты Мақтаарал аграрлық колледжінде оқитын аудандағы түрлі этнос өкілдерінің жастары арасында «Тәуелсіздік – тұғырым!» тақырыбында шығарма жазу байқауы өткізілді.
Байқаудың шарты бойынша, оған қатысушылар – Тәуелсіздік күнінің маңызын, осы жылдарда еліміздің жеткен жетістіктерін баяндау, этнос жастарының мемлекеттік тілге құрмет көрсетуі, отансүйгіштікті дәріптеу, еліміздің дәстүрі мен мәдениетін құрметтеу, жастардың шығармашылығын халыққа кеңінен насихаттауға тиіс болды.
Тартысты өткен байқаудың қорытындысы бойынша – І-орынды Гүлшірін Аман, ІІ-орынды Рината Нариманова, ІІІ-орынды Ұлбосын Мамадиярова иеленді. Сонымен бірге, байқауға қатысқандағы белсенділігі үшін – Ангелина Бер, Даниал Құрбон, Диорбек Абдухамитовтар – Түркістан облыстық «Қоғамдық келісім» КММ-нің басшысы Эльмира Жанғазиеваның арнайы дипломымен марапатталып, оларға естелік құнды сыйлықтар табысталды.
Мөлдір БАЛХАШОВА,
Түркістан облысының қоғамдық даму басқармасы «Қоғамдық келісім» КММ, Мақтаарал аудандық филиалының маманы.
Тәуелсіздікке 30 жыл Ұлтаралық татулық 2021-02-11
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
