ТҰМАУ ДЕРТІНЕН САҚТАНАЙЫҚ

Әлсіздік, температураның 39-40 градусқа дейін көтерілуі, дененің дел-сал күйге түсуі-тұмаудың алғашқы белгілері болып табылады. Естен тану, галлюцинация және сандырақтау жиі болады. Көбінесе екі күннен кейін мұрынның бітуі (насморк), жөтелген кезде тамақтың қырналып ауыруы басталады. Мұндай белгілердің пайда болуына жеңіл қарауға болмайды. Тұмаудың қауіптілігі: дұрыс емделмеудің салдарынан иммунитет әлсіреп, ағза көптеген микробтар мен бактериялардың алдында қорғансыз болып қалады. Одан кейін қабынып, созылмалы ауруға айналады. Ал инфекцияның қауіптілігі жойылған күнде де, денсаулықтың дұрыс қалыптасуына көптеген уақыт кетеді.

Тұмау – ең көп таралатын вирусты-инфекциялы ауру. Бірақ көпшілігіміз оған жеңіл қараймыз. Егер температура түспей, тоқтаусыз жөтеле берсеңіз, дене ылғалдылығы жасыл-сұр түске айналса, бұл тұмаудың ең қабынған түрі пневмания пайда болды деген сөз.

Тұмаудың алғашқы клиникалық белгілері: дене қызуының көтерілуі 39-40 градус әлсіздік, мазасыздық, бас ауру, мұрынның бітуі, мұрыннан сероздық бөлінудің ағуы. Онымен ауырған адамның иммунитеті әлсіреуі мүмкін. Соның салдарынан екіншілік инфекция қосылады, адам организімі тұмаумен дұрыс емделмегеннің әсерінен бактериялардың алдында иммунитет төмендейді.

Осы кеселдің кең таралуын және оның асқынуын алдын алу үшін ең алдымен алғашқы клиникалық көріністер байқалған адамдарды үйде оқшаулау, асқынған түрімен ауыратын науқастарды жедел түрде тексеріп, ауруханаға шақыру керек.

Бұл дерттің алдын алудың аса тиімді әдісі – вакцинация болып табылады, ол  аурудың алуға мүмкіндік береді. Бұған қоса тұмаудың алдын алу үшін жеке адамның өмір сүру салтының маңызы да зор. Адамның араққа салынуы, темекі шегуі ағзаның жалпы және жергілікті иммунитетін төмендетеді.

• Дене шынықтыру;

• Суға шомылу;

• Спортпен шұғылдану;

• Таза ауада демалу.

Сіздің денсаулығыңыздың қалыпты сақталуына және ұзақ өмір сүруіңізге бірден бір септігін тигізеді.

М.ӘШІРЕПИЕВ,

Мақтаарал аудандық

санитариялық-эпидемиологиялық

бақылау басқармасының бас маманы.