СЫБАЙЛАСТЫҚҚА ЖОЛ БЕРМЕУ ҚАЖЕТ
Posted by: Қалмұрат
in Әлеумет, Қоғам
21/12/2020
11 Views
ҚР заңнамаларына сәйкес, сыбайлас жемқорлық қылмыстарға негізінен – лауазымды қылмыстар жатады. Өзінің қызметтік өкілеттігін теріс пайдалану, билікті не қызметтік өкілеттіктігін асыра пайдалану, пара алу, пара беру, парақорлыққа делдал болу, қызметтік жалғандық жасау, көрінеу жалған сөз жеткізу, сеніп тапсырылған бөтен мүлікті иеленіп алу немесе ысырап ету, көрінеу жалған жауап беру, сарапшының жалған қорытыңдысы немесе қате аудару, жалған жауап беруге немесе жауап беруден жалтаруға, жалған қорытынды беруге не қате аударуға сатып алу, лауазымды адамдардың сот үкімін, сот шешімін немесе өзге де сот актісін орындамау жатады.
Сыбайлас жемқорлық мемлекетіміздің әлеуметтік – экономикалық даму, нарықтық экономиканы құру инвестициялар тарту процесін баяулататын және демократиялық мемлекеттің саяси және қоғамдық институттарына кері әсер ететін, елдің даму болашағына айтарлықтай қауіп төндіретін қатерлі құбылыстардың бірі болып табылады.
Елімізде сыбайлас жемқорлықпен пәрменді күресу үшін – халықтың құқықтық саладағы сауатсыздығын жоятын, құқықтың негізгі баптарын түсіндіру жұмысының деңгейі мен сапасын арттыру бағытындағы жұмыстарды жүргізу қажет. Халық өздерінің құқықтарын, өздеріне қарсы қандай да бір құқыққа қайшы іс-әрекет жасалған жағдайда қандай іс-қимыл қолданудың нақты жолдарын толық білулері қажет.
Бүгінгі таңда елімізде конституциялық тәртіпті қорғау, сыбайлас жемқорлықпен күрес аясында тиімді, бірыңғай жалпы мемлекеттік саясат жүргізу, мемлекет пен азаматтардың өмір сүруінің барлық салаларында сыбайлас жемқорлық пен оның көріністері деңгейін төмендету, қоғамның мемлекетке және оның институттарына деген сенімін нығайту бүгінгі күндегі басты мақсат болып табылады.
Н.ДЖАНАБЕКОВ,
Мақтаарал ауданы әкімдігінің халықты жұмыспен қамту орталығының бөлім басшысы.
сыбайлас жемқорлық туралы мақала 2020-12-21