Ел болашағына бейжай қарамайық!

        Сайлау – әр азаматтың өз таңдауын білдіріп, елдің қоғамдық өміріне қатысуына мүмкіндік беретін маңызды демократиялық үдеріс. Сондықтан сайлауға қатысу – азаматтық құқық қана емес, ел болашағына деген жауапкершіліктің де көрінісі.

       Елдің ертеңі бүгінгі шешімдерден қалыптасады. Ал сол шешімдердің бірі – сайлау арқылы өз өкілдерімізді таңдау. Әрбір азаматтың берген дауысы – оның қоғамдағы ұстанымын білдіретін маңызды таңдау. Сол себепті де сайлау күні өз құқығымызды пайдаланып, азаматтық белсенділігімізді танытуымыз қажет.

        Сайлау – халық пен қоғам арасындағы байланысты нығайтатын маңызды құрал. Азаматтар өз таңдауын білдіру арқылы елдің дамуына қатысты көзқарасын танытады. Бұл ретте әрбір сайлаушы өз таңдауын асықпай, жан-жақты ақпаратқа сүйене отырып жасағаны жөн.

        Бүгінгі таңда еліміздің әрбір азаматының қоғам өміріне белсенді араласуына мүмкіндік мол. Өз құқықтары мен міндеттерін білу, елде болып жатқан өзгерістерге қызығушылық таныту, маңызды қоғамдық мәселелерге бейжай қарамау – азаматтық мәдениеттің ажырамас бөлігі.  Әсіресе, жастардың сайлау үдерісіне белсенді қатысуы маңызды. Себебі бүгінгі жас – елдің ертеңгі тірегі. Жастардың қоғамдық мәселелерге араласуы олардың азаматтық жауапкершілігін арттырып қана қоймай, демократиялық құндылықтардың нығаюына да ықпал етеді.

         Қорыта айтсақ, сайлау – бір күндік науқан емес, ол азаматтық жауапкершіліктің көрінісі. Сондықтан сайлауға қатысуға шақыру – әрқайсымыздың өз құқығымызды құрметтеп, қоғамдық өмірге белсенді араласуға үндеу болып табылады.

Айбын ДОСҚАЛИ,

Мақтаарал ауданы.