ӘРБІР ДАУЫС МАҢЫЗДЫ, ӘРБІР ТАҢДАУ ҚҰНДЫ!

         23 тамыз – еліміздің қоғамдық-саяси өміріндегі маңызды күндердің бірі. Бұл күні әрбір азамат өз таңдауын жасап, елдің болашағына бейжай қарамайтынын іс жүзінде көрсете алады. Сайлауға қатысу – тек құқық қана емес, сонымен қатар әр азаматтың Отан алдындағы азаматтық жауапкершілігі.

        Бүгінгі таңда Қазақстанда әділетті қоғам құру, халықтың пікірін ескеру және мемлекеттік шешімдерді қабылдауда азаматтардың белсенділігін арттыру басты міндеттердің біріне айналып отыр. Осы тұрғыдан алғанда, сайлау – халық пен билік арасындағы өзара сенімнің маңызды көрінісі. Әрбір берілген дауыс елдің ертеңіне ықпал етеді.

        «Менің бір дауысым не өзгертеді?» деген ой кейбір азаматтардың көкейінде болуы мүмкін. Алайда қоғамдағы үлкен өзгерістер миллиондаған азаматтың дәл осындай таңдауларынан қалыптасады. Сондықтан әрбір дауыс маңызды, әрбір таңдау құнды.

         Белсенді азаматтық ұстаным – өркениетті қоғамның басты белгісі. Сайлауға қатысу арқылы біз өз пікірімізді білдіреміз, өз құқығымызды жүзеге асырамыз және еліміздің болашағына деген жауапкершілігімізді көрсетеміз.

        23 тамыз күні әрбір сайлаушы сайлау учаскесіне келіп, өз таңдауын жасау арқылы демократиялық үдеріске өз үлесін қоса алады. Бұл – елдің тұрақты дамуына, қоғамдық келісімнің нығаюына және ортақ мақсаттарға жетуге бағытталған маңызды қадам.

         Болашаққа бейжай қарамайтын әрбір азамат үшін сайлауға қатысу – ел тағдырына деген жанашырлықтың нақты көрінісі. Сондықтан баршаңызды алдағы сайлауға белсенді қатысып, өз азаматтық ұстанымыңызды білдіруге шақырамын.

Сұлушаш БАЙТОВА,

Мақтаарал ауданы.