БАСТЫ МАҚСАТ – ӨЗІНДІК КӨЗҚАРАСЫ БАР БЕЛСЕНДІ ТҰЛҒАНЫ ТӘРБИЕЛЕУ

         Мектептегі тәрбие жұмысының басты мақсаты – рухани-адамгершілік құндылықтарды бойына сіңірген, азаматтық жауапкершілігі жоғары, өзіндік көзқарасы бар белсенді тұлға тәрбиелеу болып табылады. Бұл мақсатқа жету үшін тәрбие ісі жөніндегі орынбасар түрлі бағыттағы жұмыстарды үйлестіріп, педагогикалық ұжым мен оқушылар арасындағы байланысты нығайтады.

      Тәрбие ісі жөніндегі орынбасардың жұмысы көпқырлы және жауапты. Оның негізгі міндеттеріне мыналар жатады:

• мектептің жылдық тәрбие жоспарын әзірлеу және оның орындалуын қадағалау;

• сыныптан тыс іс-шараларды ұйымдастыру және үйлестіру;

• оқушылардың шығармашылық және әлеуметтік белсенділігін арттыру;

• мектеп мәдениетін қалыптастыру, дәстүрлерді дамыту;

• ата-аналармен тұрақты байланыс орнату, тәрбиелік мәселелер бойынша кеңес беру;

• оқушылар арасындағы құқықбұзушылықтың алдын алу;

• мектептегі өзін-өзі басқару ұйымдарын қолдау және бағыттау;

• патриоттық, отбасылық, ұлттық құндылықтарды насихаттайтын жобаларды жүзеге асыру.

      Әрбір бағыттың түпкі мақсаты – оқушының тұлғалық әлеуетін ашу, оны қоғамға бейімдеу және азаматтық қасиеттерін дамыту.

      Қазіргі таңда тәрбие жұмысы дәстүрлі әдістермен шектелмейді. Жаңашылдыққа ұмтылған мектептер:

• интерактивті жобаларды,

• еріктілер қозғалысын,

• дебат клубтарын,

• кибермәдениет пен цифрлық қауіпсіздік бағытындағы іс-шараларды,

• шығармашылық үйірмелерді қолдана отырып, оқушыларды белсенді әлеуметтік өмірге бейімдеуде. Бұл жұмыстардың табысты жүзеге асуына тәрбие ісі жөніндегі орынбасардың кәсібилігі, ұйымдастырушылық қабілеті және педагогикалық шеберлігі тікелей әсер етеді.

       Қорыта айтар болсақ, тәрбие ісі жөніндегі орынбасар – мектептегі тәрбиелік ортаның негізгі ұйымдастырушысы әрі жетекшісі. Оның жүйелі жұмысы оқушылардың жан-жақты дамуына, ұлттық және жалпыадамзаттық құндылықтарды игеруіне, қоғамға пайдалы азамат болып қалыптасуына үлкен ықпал етеді. Сондықтан тәрбие ісін басқарушы мамандардың кәсібилігі мен еңбегі – мемлекеттің стратегиялық маңызды ресурстарының бірі болып табылады.

Байжанов Абдылло Ибрагимович,

 Хиуаз Доспанова атындағы №28 ЖББМ директорының

 тәрбие ісі жөніндегі орынбасары.

Жетісай ауданы.