АУДАНДЫҚ МӘЖІЛІСТЕ БІРҚАТАР ӨЗЕКТІ МӘСЕЛЕЛЕР ҚАРАЛДЫ

         Аудан әкімі Серік Мамытовтың төрағалығымен аудандық әкімдікте аппарат мәжілісі болып өтті. Бұл мәжілісте ауданның ауыл шаруашылығы мен құрылыс, білім мен инфрақұрылым, ішкі саясат салаларына қатысты бірқатар мәселелер қаралып, нақты тапсырмалар беріліп, ұсыныстар талқыланды.

          Аудан басшысы мен бөлім басшылары, ауылдық округ әкімдері және тиісті мекемелердің өкілдері қатысқан басқосудың негізгі тақырыптарының бірі — су үнемдеу технологияларын енгізу және жыл соңына дейінгі нақты жоспардың орындалуы болды. Бұл бағытта аудандық ауыл шаруашылығы және жер қатынастары бөлімінің басшысының міндетін уақытша атқарушы Ерасыл Зекен баяндама жасап, атқарылған жұмыстар мен алдағы жоспарлар жөнінде мәлімет берді. Сондай-ақ аудандық білім бөлімі басшысының міндетін уақытша атқарушы Шоқан Адайбеков келешекте пайдалануға берілетін мектептердің оқушылармен қамтылуы жайлы баяндады.

       Мәжілісте бұдан бөлек, жылыту маусымына дайындық, «Таза Қазақстан» экологиялық акциясының орындалуы, күзгі әскерге шақыру науқанының барысы, сондай-ақ тұрғын үй құрылысы саласындағы жұмыстар да кеңінен талқыланды. Бұл мәселелер бойынша аудандық тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің басшысы Берік Мамбетов, аудандық ішкі саясат бөлімінің басшысы Тамара Ташева, және аудандық құрылыс, сәулет және қала құрылысы бөлімінің бас маманы Сұлтан Исахов есеп берді.

          Аудандық жиын қорытындысында аудан басшысы барлық бөлімдер мен мекемелердің өзара үйлесімді жұмыс істеуінің маңыздылығын атап өтіп, өңірдің дамуы үшін әр салада жауапкершілік пен нақты нәтиже қажеттігін айтты.

Сұңғат ҚУАНЫШБЕК,

Жетісай ауданы.