ТІЛ ҚҰНДЫЛЫҒЫ – ЕЛ БІРЛІГІ

            Жетісай ауданының білім бөліміне қарасты  Я.Есенбеков атындағы №59 жалпы білім беретін мектеп коммуналдық мемлекеттік мекемесінде Жетісай ауданының білім бөлімі Түркістан облысының білім беруді дамыту ортылығының 03.09.2025 жылғы №1096 шығыс санды хатына сәйкес 5 қыркүйек Қазақстан халқы Тілдері күніне орай 2025 жылдың 5-18 қыркүйегі аралығында «Тіл құндылығы — ел тірегі» тақырыбында онкүндіктің ашылуы өткізілді.

         Онкүндіктің мақсаты: оқушыларға мемлекеттік тілдің маңызын ұғындыру, тілге деген құрмет сезімін қалыптастыру, мемлекеттік тілді, сондай-ақ еліміздегі барлық этнос өкілдерінің тілдерін құрметтеуге, оқушылардың тілге деген сүйіспеншілігін арттыру. Үштілділік бағытында тілдік мәдениетін дамыту және тілдерді меңгеруге қызығушылығын арттыру.

          Іс-шара барысында мектептің кіре берісінде «Көңілді үзіліс» ұйымдастырылып, оқушылар ән шырқап, ойындар ойнап, тіл туралы өлеңдер оқыды.

         Тілдер онкүндігі аясында «Орыс тілі мен әдебиеті» пән бірлестігінің ұстазы У.К. Орынбекова 9 «А» сыныбына 05.09.2025 ж. күні «Үш тіл – бірлік тірегі» атты тәрбие сағатын өткізді. Бұл шараның басты мақсаты – оқушыларға тілдердің маңызын түсіндіру, көптілділік мәдениетін қалыптастыру және мемлекеттік тілге деген құрметті арттыру.

       Тілдер онкүндігі аясында мектебімізде ұйымдастырылған маңызды шаралардың бірі – 8-сыныптар арасында интеллектуалды сайыс өтілді. Сайысқа жауапты ұстаздар «Орыс тілі мен әдебиеті» пән бірлестігінің ұстаздары М.А.Бибекова және Н.Б.Тангирбердиева. Сайыс «Язык – живая душа народа» (Тіл – халықтың тірі жаны) тақырыбымен 09.09.2025 ж. өтілді. Бұл сайыс оқушылардың қазақ, орыс және ағылшын тілдеріндегі білімін, логикалық ойлауын және шығармашылық қабілеттерін дамытуды көздеді.

       Сайыстың мақсаты:

• Үш тілді меңгеру арқылы оқушылардың таным көкжиегін кеңейту;

• Тілдердің өзара байланысын, маңызын түсіндіру;

• Ұлттық құндылықтарға деген қызығушылықты арттыру;

• Достық пен ынтымақ рухын нығайту.

       Сайыс кезеңдері:

1. Викторина – Әр топ өздеріне қойылған сұрақтарға жылдам жауап береді.

2. Конскурс пословиц кезеңі – Берілген мақал-мәтелдерді толықтырп, айту.

3. Стихотворный конкурс – Әр топ мүшелері өлең шумақтарын мәнерлеп, жатқа  айтады.

4. «Магический квадрат» кезеңі – Квадраттың ішде жасырылған сөздерді табу.

5. Полиглот бөлім – Жасырылған сөздерді тауып, үш тілде жауап беру керек.

       Сайыс өте тартысты әрі қызықты өтті. Оқушылар өз білімдерін жан-жақты көрсетіп, бір-бірімен сайыса отырып, достықтың, тілге деген құрметтің жарқын үлгісін көрсетті. Қазылар алқасы әділ бағалап, жеңімпаз топтар мақтау қағаздарымен марапатталды.

         Қорыта келгенде,  «Тіл құндылығы – ел бірлігі» онкүндігі – тек мерекелік іс-шара емес, ол – ұлт ретінде ұйымдасуымыздың, рухани жаңғыруымыздың, елдік тұтастығымыздың көрінісі. Қазақ тілінің тағдыры – әрбір қазақстандықтың жүрегінде болуы тиіс. Себебі тілге деген құрмет – туған елге, өткенге және болашаққа деген құрмет.

Нұржамал ТАНГИРБЕРДИЕВА,

Я.Есенбеков атындағы №59 ЖББМ КММ-нің «Орыс тілі мен әдебиеті» пән бірлестігінің мүшесі.

Жетісай ауданы.