СЕРІК МАМЫТОВ ӘЛЕУМЕТТІК НЫСАНДАРДАҒЫ ЖҰМЫСТАРДЫҢ БАРЫСЫМЕН ТАНЫСТЫ
Posted by: Қалмұрат
in News, PRESS RELEASE, Әлеумет, Өзекті мәселе
30/07/2025
18 Views
Бүгін Жетісай ауданының әкімі Серік Мамытов қызметтік іссапар аясында Жетісай қаласы мен Қазыбек би, Жаңа ауыл, Ынтымақ және Абай ауылдық округтеріндегі бірқатар әлеуметтік нысандарда жүргізіліп жатқан құрылыстар мен күрделі жөндеу жұмыстарының барысымен танысты.
Аудан басшысы С.Мамытов Қазыбек би ауылындағы құрылыс жұмыстары жүріп жатқан мәдениет үйі мен Түркістан мектебі, Жетісай қаласындағы 1500 орындық жаңа мектеп пен сауда орталығы, «Жетісай қызмет» КММ, Жаңа ауылдағы фельдшерлік-акушерлік пункт (ФАП) құрылысы, сондай-ақ Ынтымақ ауылындағы «Ынтымақ» мектебіне барып, жүргізіліп жатқан жұмыстарды тексерді. Сонымен қатар ол Абай ауылдық округіндегі мектепте атқарылып жатқан құрылыс жұмыстарының барысын да өз көзімен көрді.
Серік Мамытов аталмыш нысандардың құрылыстарын жүзеге асырып жатқан мердігерлерге өздеріне тапсырылған жұмыстарды сапалы әрі белгіленген мерзімде бітіруді тапсырды.
Сатыбалды ЖҮНІСБЕКОВ,
меншікті тілші.
Жетісай ауданынан.
2025-07-30
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
