САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
ЕРКІН КҮРЕСТЕН « ZOMIN OPEN» АТТЫ II ХАЛЫҚАРАЛЫҚ ТУРНИРДІҢ ЖЕҢІМПАЗДАРЫ ҚАДІР РАЯН МЕН БАҚТИЯРҰЛЫ НҰРӘЛИДІ ЖҮЛДЕЛІ ОРЫНДАРЫМЕН ҚҰТТЫҚТАЙМЫЗ!
Елімізге көршілес Өзбекстан Республикасы, Жыззах облысы, Замин ауданында, 2025 жылдың мамыр айының 12-16 күндері аралығында, балалар мен жасөспірімдер арасында еркін күрестен « ZOMIN OPEN» атты II Халықаралық турнир болып өтті.
Табиғаты көркем Замин ауданында жоғары дәрежеде ұйымдастырылған, II Халықаралық турнирге Россия, Қырғызстан, Тәжікстан, Қазақстан және Өзбекстан мемлекеттерінің спортшылары мен бірге Жетісай аудандық №1 балалар мен жасөспірімдер спорт мектебінің бір топ спортшылары қатысып келді.
«Тұғырлы жеңіс» шыңдалған шәкірт пен шебер жаттықтырушының қолында демекші , боз кілемнің бойына жиналған 600 –ге жуық спортшылар арасынан ауданымыздың спортшылары турнирдің ережесіне сәйкес белгіленген салмақтарда сынға түсіп, күміс және қола медальдармен марапатталды.
Халықаралық турнирдің нәтижесі бойынша: II орын – 26 кг салмақ дәрежесінде Қадір Раян, III орын – 38 кг салмақ дәрежесінде Бақтиярұлы Нұрәли иеленді. Спортшылардың жаттықтырушысы Сембек Жоламан.
Жетісай ауданының мәдениет, тілдерді дамыту, дене шынықтыру және спорт бөлімінің атынан жеңімпаз спортшыларымызды және еркін күрестен жаттықтырушы Сембек Жоламанды жүлделі орындарымен құттықтаймыз!
Жетісай ауданының мәдениет, тілдерді дамыту, дене шынықтыру және спорт бөлімі.
