МАМАНДЫҚТАР ӘЛЕМІН АШАМЫЗ

         Жақында мен, мектеп директорының тәрбие ісі жөніндегі орынбасары Р.Шалабаевамен біргелесе отырып,  «Болашаққа көзқарас — жаңа мамандықтар атласы» жобасы аясында   9-10 сынып оқушылары  арасында, олардың мамандықтарға деген сүйіспеншілігі мен адал қарым-қатынасын арттару және де еңбектің адам өміріндегі рөлін қалыптастыру мақсатында «Мамандықтар әлемін ашамыз» тақырыбында сайыс өткіздік.

        Оқушыларымыздың болашағы үшін маңызы ерекше осы сайысымыздың мақсаты:  Қазақстанның еңбек нарығы мен экономикасының болашағында сұранысқа ие және қажетті болашақ мамандықты сәтті таңдау үшін білім алушылардың өздері қалаған мамандықтарын оқып-білуге шығармашылық тәсілдемесін жандандыру, білім алушылар мен педагогтерді бірлескен қоғамдық маңызды кәсіби бағдар қызметіне тарту, балаларды қосымша біліммен қамту болды.

        Қызықты әрі тартысты өткен осы сайыстың қорытындысында әділқазылардың шешімімен көрсеткен нәтижелері бойынша – І орынды 10 «А» сыныбы, ІІ орынды 9 «Ә» сынып, ІІІ орынды 10 «Ә» сынып оқушылары иеленді.

Нурсулу ШАРИПОВА,

«Абылайхан атындағы №2 ЖББМ» КММ кәсіптік бағыт- бағдар беруші педогогы.