ИГІ ІСТЕР МАРАФОНЫ

          Еліміздегі барлық бала тең дәрежеде білім алуға құқылы. Міне, осы балаларымыздың шетте қалмай, ортаға бейімделіп, жалпы білім ордаларында өз қатарымен бірге білім алу үшін кедергісіз орта құруына ат салысқан түрде 2024 жылдың 04 – 08 қараша  күндері аралығында «Игі істер марафоны» жобасы  аясындағы апталық іс-шара өткізілді. Осы іс-шара барысында түрлі игілікті істер қолға алынды.

           Марафонның алғашқы күнінде «Әлем менің көзіммен» тақырыбында сурет сайысы болып өтті. Бұл сайысты мен ҚББП-ы  Р.Удербаевамен біргелікте ұйымдастырдық. Оның мақсаты: балалардың бойындағы бейнелеу өнері бойынша қабілеттерін ашу және қоршаған ортаға, әлемге деген көзқарастарын қалыптастыру болды.

           Бұл сайыста ЕББҚ балалар мен қалыпты балалар әлемді өз фантазияларының қабылдауымен елестетіп қағаз бетіне түсіре білді.

           Марафонның келесі жоспарлы күнінде «Мейірімді жүрек» тақырыбында  ЕББҚ ететін балалар мен қалыпты  оқушылар кітапханада кітап оқыды. Кітапханашы К.Карманова екеуміз ұйымдастырған бұл байқаудың мақсаты:  оқушылардың оқуға деген құштарлығын дамытып, қызықты ертегі кейіпкерлерімен танысып, түсінік айтып, сөздік қорын кеңейтуге үлес қосу болды.

         Ал «Балаларға қонаққа»  атты апталық айдарымен үйде оқитын оқушымен және оның ата-аналарымен сұхбат жүргізу мақсатында – мектебіміздің әлеуметтік педагогы Д.Данмырзаева мен бірге және бастауыш сынып мұғалімдері  біргелікте қонаққа бардық.

         Мектебіміздің педагог-психологы Г.Сманова мен бірге «Анашым, ұмытпаңыз» тақырыбында ата-аналарға тренинг өткіздік. Бұл тренингтің барысында ЕББҚ  балаларға қоғамда еркін, қалыпты балалармен бірге жүруді қалыптастыру ұсынылды.

         Түркістан облысы білім басқармасының  2024 жылғы 29 тамыздағы №25/6247 санды хатына сәйкес, әрбір қазақстандық мұқтаж жандарға өтеусіз көмек көрсетуге жеке қатысуы арқылы қайырымдылық және волонтерлік мәдениетін дамытуға бағытталған республикалық «Игі істер марафоны» жобасы негізінде Жетісай ауданының Мәдениет үйінде, Жетісай ауданының білім бөлімінің арнайы мамандарының әдіскері А.Бердибекова  мектептің арнайы педагогтарымен бірге «Біз біргеміз» тақырыбында ЕББҚ ететін оқушылармен өнер фестивалін өткіздік.  Фестивальда балалар өнер көрсетті, фестиваль соңында барлық балаларды ынталандыру  сыйлықтармен ынталандыру мақсатында  тәтті сыйлықтармен қуанттық. Апталық соңында барлық іс-шаралар қорытындыланып, оның жоғары дәрежеде өткізілгені атап көрсетілді.

Назерке ЖҰМАТАЙ,

№44 «Жаңа дала» ЖББМ нің арнайы педагогы.

Жетісай ауданы.