ЕЛІМІЗДІҢ БАСТЫ ЗАҢЫ

         30 тамыз – ҚР Конституция күніне орай, біздің кітапханамызда «Ата заңым – айбыным» деген тақырыппен мерекелік салтанатты шара болып өтті.

       Бұл салтанатты шараның басты мақсаты – Ата заңымыз туралы оқырмандардың түсініктерін кеңейту, еліміздің бас заңының өмірмен тығыз байланысын түсіндіру. Оларды – Отан қорғауға, сүюге еліміздің  рәміздерін  қастерлеуге, халқымыздың әдет-ғұрпын, салт-дәстүрін сақтап, Ата заңымызды  құрметтеп, ұлтжандылыққа,  достыққа тәрбиелеу болды.

         Қызықты өткен шараның басында мен осы датаға орай баяндама оқып, құнды ақпараттар айттым. Шара барысында сонымен қатар, оқырмандарымыз Конституцияға қатысты  өз ойларымен  де бөлісті, өз ара білгендерімен  пікірлер алмасты. Олар Қазақстан мемлекетінің заңдарын сақтау мен елімізді жан-тәнімен қорғау  бүкіл  ел тұрғындарының  азаматтық борыштары екендігіне тоқталып, бұл бағыттағы жұмыстарды жандандыра беруге келісті.

           Шара соңында белсенділік танытқан оқырмандарға ұйымдастырушылар тарапынан ризашылық білдірілді. 

Д БИЛИМБЕТОВА,

  Кеңесшіл ауылдық  филиал №13 кітапханасының меңгерушісі.

Мақтаарал ауданы.