ТЕМІРҚАЗЫҚ СЫНДЫ ЖҰЛДЫЗ ТҰЛҒА

          Жуырда біздің кітапханамызда – әлемдік деңгейдегі танымал ғалым, қоғам қайраткері Қаныш Сәтбаевтың туғанына 125 жыл толуына орайластырып «Темірқазық сынды жұлдыз тұлға» атты портрет кеш болып өтті.

          Танымдық маңызы ерекше осы іс-шараға – мектеп мұғалімдері, балабақша тәрбиешілері мен тағы басқа сала мамандарынан тұратын ауыл жастары және кітапхананың белсенді оқырмандары қатысты.

           Шарамыздың кіріспесінде  баяндама оқып – еліміздің көрнекті ғалымы, геолог, мемлекет қайраткері, Қазақстан ғылым академиясын ұйымдастырған әрі оның тұңғыш Президенті болған, 1964 жылдан КСРО Ғылым академиясының академигі Қаныш Сәтбаевтың өмірі мен оның артында қалдырған ғылыми мұралармен оқырмандарызды таныстырдым. Өз кезегінде шарамыздың «Елінің адал ұлы еді» атты бөлімінде – №53.Ғ.Мүсірепов мектебінің психологі Жұлдыздай Кабулова, мектеп кітапханашысы Үміт Маметова, кітапхананың белсенді оқырманы Тагабай Асылбековтер Қаныш Сәтбаев туралы жазылған естеліктерден үзінділер оқыды.

         Іс-шараның қорытынды бөлімінде оқырмандарызды өмірі мен ғылыми еңбектері туралы жазылған газет-журналдар және кітаптардан құралған танымдық көрмемен таныстырдым.

Шамшат АЛТЫНБЕКОВА,

Достық ауылы филиал № 1 кітапханасының меңгерушісі ,

Достық ауылдық округі.