БЕЛЬГИЯЛЫҚ «ENABEL» ДАМУ АГЕНТТІГІМЕН ЫНТЫМАҚТАСТЫҚ ПЕРСПЕКТИВАЛАРЫ

         «KazAID» Қазақстандық халықаралық даму агенттігі Бельгияның «Enabel» даму агенттігі ұйымдастырған халықаралық ынтымақтастықтың болашағы туралы сессия шеңберінде панельдік пікірталасқа қатысты.

         Халықаралық ынтымақтастықтағы негізгі өзгерістерді талқылауға және агенттіктерді жаңа жағдайларға бейімдеуге бағытталған сессияға Еуропалық даму саясатын басқару орталығының (ECDPM), Каирдегі қақтығыстарды реттеу және бейбітшілік жөніндегі халықаралық орталықтың, сондай-ақ Марокко мен Түркиядан келген халықаралық даму агенттігінің өкілдері қатысты.

           Басқарма төрағасы А. Арыстанов конференцияға қатысушылардың назарына KazAID қызметінің негізгі бағыттары, бағдарламалары мен жобалары туралы ақпарат берді. Талқылау халықаралық ынтымақтастықтың ағымдағы сын-қатерлеріне, агенттіктердің болашақ амбицияларына және олардың саладағы өзгерістерге реакциясына, сондай-ақ ұйымдар арасындағы ынтымақтастықтың перспективаларына қатысты болды.

         KazAID халықаралық дамуға белсенді қатысуға өзінің дайындығын растайды және даму мен өркендеудің ортақ мақсаттарына қол жеткізу мақсатында әлемнің әртүрлі өңірлеріндегі әріптестермен одан әрі ынтымақтастыққа ұмтылады.

          Анықтама: ҚР СІМ «KazAID» Қазақстандық халықаралық даму агенттігін Қазақстан Үкіметі құрды және дамуға ресми көмек (ДРК) саласындағы оператор болып табылады. «KazAID» ДРК саласындағы мемлекеттік саясатты іске асырады, серіктес елдерде даму мен тұрақты өсуге жәрдемдеседі, Қазақстанның әртүрлі салалардағы жетістіктерін ілгерілетеді, тәжірибе алмасуға және әртүрлі елдердің мамандары арасында байланыс орнатуға ықпал етеді

ҚР СІМ «KazAID» Қазақстандық халықаралық даму агенттігінің баспасөз қызметі.

www.kazaid.kz