ӨЗГЕРІСТЕР МЕН ТОЛЫҚТЫРУЛАР ТҮСІНДІРІЛУДЕ

          Мемлекеттік қызметті жетілдіру бағытында мемлекеттік қызмет заңнамаларына енгізілген өзгерістер мен толықтырулар жөнінде ақпарат беріп, Қазақстан Республикасы мемлекеттік қызметшілерінің Әдеп кодексі мен Қазақстан Республикасының сыбайлас жемқорлыққа қарсы саясатының 2022-2026 жылдарға арналған Тұжырымдамасы түсіндіру мақсатында Жетісай ауданы, Жаңа ауыл ауылдық округі әкімі аппаратының қызметшілерімен арнайы жиын өткіздім.

        Сондай-ақ, мемлекеттік грантпен оқу орындарын аяқтаған үздік түлектер аудан мен ауылдарда төменгі лауазымдарға конкурстық іріктеусіз қабылдана алатынын айтып, орталық мемлекеттік органдардың дербес қүрылымдық бөлімшесінің басшысы, облыстық бюджеттен қаржыландыратын атқарушы органның, яғни, облыстағы басқарма басшысы және «Б» корпусының басқа да лауазымдарына уәкілетті органның келісіммен тікелей тағайындалатынын, ҚР Президенті жанындағы Мемлекеттік басқару академиясын үздік бітірген түлектері (уәкілетті орган белгілеген мәннен төмен емес оқу нәтижесімен оқу бітіргендер) бір жыл ішінде белгілі бір санаттағы басшы лауазымдарға бара алатынын, мемлекеттік қызметшілерді бағалаудың нәтижесімен лауазымнан төмендетілетіні, төмен лауазым болмаған жағдайда атқаратын лауазымынан шығарылатынын айттым.

         Іс-шара барысында 1 наурыздан бастап – Мемлекеттік қызмет істері агенттігі, Индустрия жəне инфрақұрылымдық даму министрлігі, Сауда жəне интеграция министрлігі, Ақмола облысы және Шымкент қаласы әкімдіктерінде пилоттық жоба ретінде енгізіліп отырған «Е-қызмет» ықпалдастырылған ақпараттық жүйесінде мемлекеттік әкімшілік лауазымдарға орналасуға пилоттық іріктеу жүргізу тәртібі де кеңінен сөз болып, қатысушылар тарапынан қойылған сұрақтарға жауаптар берілді.

Есен АЛДАНИЯЗОВ,
Жетісай ауданы әкімдігінің Әдеп уәкілі.