“СЫРШЫЛ ӘУЕН” ШЫҒАРМАШЫЛЫҚ КӨРМЕСІ

           Кескіндеме, мүсін және дизайн факультеті, «Көркемсурет» кафедрасының доценті, Қазақстан Суретшілер Одағының мүшесі, бірнеше оқу-әдістемелік құралдардың авторы  Бүркітбаев Бақтияр Сыбанұлының, «Сыршыл әуен» атты жеке шығармашылық көрмесінің ашылу салтанатты кеші өтті. Бұл мерекелік кеш Темірбек Жүргеновтің  125 жылдық мерейтойына арналды.

       Тамаша өткен көрмені тамашалауға Қ.З.Халыков,  Ш.Қ.Ергөбек, Б.С.Тұрғынбай, Ж.Қ.Қайрамбаев,  Қ.С. Оразқұлова сынды өнертанушы тұлғалар әрі студенттер қатысты.

       Осы шараны тамашалаған студенттер – Бақтияр Сыбанұлының көрмесінен нағыз қылқалам шебері екенін байқады. Б.Бүркітбаевтың табиғатты көркем зерттеумен қатар, оны эстетикалық тұрғыдан әсем жеткізгені байқалды. Оның туындылары көркемдік шығармашылықтың бүгінгі деңгейінен көрініс беріп тұрды.

      Авторлық стильдер мен тақырыптық артықшылықтардың алуандығын көрсетеді. Кескіндемелік композициялардың концептуалдық шешімдерінің шегі кеңейе түскенін көреміз. Сонымен қатар, көрмеге қойылған суреттердің ішінде көпшіліктің назарын аударған туындылар көп болды.

Камила НҰРАХМЕТОВА,

Т.Қ.Жүргенов атындағы Қазақ Ұлттық Өнер Академиясы, “Компьютерлік технологиялар“ кафедрасы, «Медиажурналистика« мамандығының 1 курс студенті.