КОНСУЛЬТАТИВТІК-КЕҢЕСШІ ОРГАНЫНЫҢ АЛҒАШҚЫ ОТЫРЫСЫ ӨТТІ

         Жетісай ауданының әкімі Серік Мамытов пен аудан прокуроры Айдархан Жүнісбековтың қатысуымен бүгін аудан әкімдігі жанындағы қылмыстық жазаны және қылмыстық-құқықтық ықпал етудің өзге де шараларын атқаратын мекемелердің қызметіне жәрдемдесу, сондай-ақ, қылмыстық жазасын өтеген азаматтарға әлеуметтік және өзге де көмектерді ұйымдастыру жөніндегі консультативтік-кеңесші органының 2023 жылғы алғашқы отырысы өтті.

       Жиынның күн тәртібінде пробация қызметінің есебінде тұрған, пробациялық бақылау қойылған сотталғандарға қатысты әлеуметтік-құқықтық көмек көрсету бойынша 2022 жылы атқарылған жұмыстары және 2023 жылы атқарылатын әлеуметтік-құқықтық көмек көрсетудің мәселелерін қарастыру туралы Түркістан облысы бойынша Қылмыстық атқару жүйесі департаменті Жетісай аудандық қылмыстық-атқару инспекциясы пробация бөлімінің бастығы, әділет майоры Дильшат Назаров пен консультативтік-кеңесші органы басшысы, Жетісай ауданы әкімінің орынбасары Серік Пірімбековтың баяндамалары тыңдалып, алдағы жоспарлары талқыланды. Ұсыныс-пікірлер айтылды.

       Жетісай ауданы әкімнің 2022 жылғы 27 қаңтардағы №73 қаулысымен ауданының пробация қызметінің есебінде тұрған адамдарды, сондай-ақ, бас бостандығынан айыру орындарынан босатылған адамдарды және ата-анасынан кәмелеттік жасқа толғанға дейін айырылған немесе ата-анасының қамқорлығынсыз қалған, білім беру ұйымдарының түлектері болып табылатын жастар қатарындағы азаматтарды жұмысқа орналастыру үшін жұмыс орындарына квота белгілеу туралы Пробация қызметі бөлімінің есебінде тұрған азаматтарға жұмыс орны белгіленіп, квота толығымен орындалған.

        Аудан әкімінің квотасынан бөлек 2021-2025 жылдарға арналған кәсіпкерлікті дамыту жөніндегі Ұлттық жоба аясында пробация есебінде тұрған азаматтар бағдарлама аясында жұмыспен қамтылса, өз кәсібін ашу үшін мемлекеттік гранқа өтініш білдіріп, комиссия қарауына ұсынылғандарының да саны артқан.

        «Бұл жұмыстар ауданымызда еңбек өнімділігінің артуына, кедейлік деңгейін едәуір төмендетуге, пробация есебіндегі түзету мекемесінен босаған адамдарды қоғамдық ортаға бейімдеуге үлкен мүмкіндік береді. Біз жұмысымызды одан әрі жандандырып, шалыс басқан азаматтардың қайта қылмыс жасамаулары үшін бар мүмкіндіктерді қарастыруымыз керек.» деген Әділхан Досыбайұлы жауапты сала мамандарына жұмысты әлі де болса жандандыруды тапсырды.

        Айта кетейік, өткен жылы аудан әкімінің квотасымен жұмысқа орналасқан 12 азаматтан бөлек пробация қызметі есебінде тұрған 31 азамат бағдарлама шеңберінде жұмыспен қамтылып, консультативтік-кеңесші органның 4 отырысы және 3 бос жұмыс орындарының жәрменкесі өткізілген.

         Биылғы жылға бөлінген 27 квота «Жетісай» және «Асықата» ауруханаларына, «Жетісай қызмет» МКК мен «Жетісай су» МКК мекемелеріне жолданатын болады.

Бауыржан НАЙМАНОВ,

Жетісай ауданы.