«АЛМАТЫ-ҚОНАЕВ» БАҒЫТЫНДА ПОЙЫЗ ЖҮРЕ БАСТАДЫ

       Қонаев қаласы Алматы облысы орталығы болып жарияланған күннен бастап екі қала арасында жүргіншілер саны артқан болатын.

      Таңғы алтыдан Қонаев қаласынан шыққан пойыз, Алматы қаласына сегізде жетеді. Жолда «Жетіген», «Байсерке», «Қайрат» станцияларына  5 минуттан аялдап, «1 Алматы» вокзалына келеді. Ал, Алматы қаласынан сағат жетіде шыққан пойыз дәл сол маршрутпен Қонаев қаласына сағат сегізде жетеді.  Пойыз кестесі бір қалыпқа келген соң, оны «2 Алматы» вокзалына дейін жүргізу жоспарда тұр.

       Бағасы төрт жүз теңге, жақын станцияларға сәл арзанырақ. Бұл бағытты қаржыландыру ағымдағы жылдың соңына дейін, Ұлттық тасымалдаушы есебінен жүзеге асырылады.

       Қазіргі уақытта Индустрия және инфрақұрылымдық даму министрлігімен және Алматы облысының әкімдігімен бірлесе отырып, аталған бағытта тасымалдаушының шығындарын субсидиялау бойынша 2023 жылға тендер өткізу жұмыстары жүргізілуде.

 Аида КОЖМАМБЕТОВА.