«ЕЛТАНУ» РЕСПУБЛИКАЛЫҚ ӨЛКЕТАНУ ЭКСПЕДИЦИЯСЫ ӨТКІЗІЛЕДІ

        Биыл Қарағанды облысы мен Қазақстан халқы Ассамблеясы ұлт ұстазы Ахмет Байтұрсыновтың 150 жылдық мерейтойына арналған «Елтану» республикалық туристік- өлкетану экспедициясы өткізеді. Осыған орай, Қарағанды қаласы,  «Достық үйінде» А.Байтұрсыновтың туған жеріне баруға арналған жолаушыларды шығарып салу іс-шарасы 28 қыркүйек күні таңғы сағат 07:30-да өтті.

      Бұл мерекелік іс-шараның басты мақсаты: А. Байтұрсынұлының мұрасын көпшілікке кеңінен насихаттап, жаңа Қазақстанда оның  мемлекетшіл, идеологиялық, ғылыми интеллектуалдық, мәдени танымдық ізденісін, тәжірибесін, әлеуетін танымал ету.

         Осы маңызды экспедицияның құрамында – «Мың бала», «Алғысым саған, Қазақстан!» «Ахмет Оқулары» басқа да байқаулардың жеңімпаздары, Қарағанды облысы Қазақстан халқы Ассамблеясының мүшелері, өніріміздің ғалымдары, қоғам қайраткерлері, жастар, блогерлер мен БАҚ өкілдері қатысады.

        Экспедиция мүшелері Қарағандыдан шығып, Ақмола мен Қостанай облыстарындағы тарихи-мәдени ескерткіштермен танысып, сапар барысында жергілікті тұрғындар және белсенді жастармен түрлі кездесулер өткізеді.  Жастар арасында – патриоттық, азаматтық, рухани адамгершілік және тұлғаның әлеуметтік белсенділігін тәрбиелеу, мемлекеттегі әлеуметтік-экономикалық және саяси реформаларды жүзеге асыру бағытында жұмыстар жүргізеді және де оларға қоғамдық келісім мен жалпыұлттық бірліктің қазақстандық үлгісін түсіндіреді.