ӘЙЕЛДЕР ҮШІН ӘР КҮНГЕ АРНАЛҒАН 10 ПАЙДАЛЫ КЕҢЕС

         Өмірге дұрыс көзқараспен қараңыз. Сонда әр күн жаңа мүмкіндіктерге толы және кедергілердің жоқтығын байқайсыз. Ең бастысы – қажетті «параметрлерді» жасау керек. Бұл үшін Сіз еуропалық психологтар ұсынатын мына 10 кеңесті қолданыңыз, олар күніңізді жақсартуға көмектеседі:

1. Әрқашан өзіңізді ұстауға тырысыңыз: егерде біреу Сізбен әдейі жанжалдасып, жағымсыз эмоциялар тудыруға тырысса да, оны елемеңіз.

      Ешкімніңде Сіз үшін не сезінетіндігіңізді және өзіңізді қалай ұстау керектігінізді шешпеуі керек.

2. Күлімдеңіз. Егер сіз өзіңіз үшін жағымсыз ортада болып қалсаңыз да – күлімсіреу әрқашан Сізге лайықты көрінуге ғана емес, сонымен қатар бәрі жаман емес екеніне сенуіңізге көмектеседі.

3. Күн сайын кем дегенде 15 минут кітап не қызықты «истористерді» оқыңыз. Бұл сіздің миыңызды жақсы күйде ұстауға көмектеседі. Айтпақшы, кітап оқу жүйке тозудың теріс әсерін 60 пайыздан астам төмендетеді.

4. Уайымдап, басыңызды жаман ойлармен ауыртпаңыз. Егер де Сіз сабырмен сараптама жасай бастасаңыз, кез-келген жағдайдан дұрыс жолды таба аласыз. Адам бұзылуға бой алдыратын болса, онда ол дұрыс ойлау мүмкіндігін жоғалтады.

5. Сүйікті әуеніңізді тыңдаңыз. Бұл депрессия мен жаман көңіл-күйге қарсы тамаша құрал. Бұл қалалық саябақтағы не табиғат аясындағы кешкі серуенмен тамаша үйлеседі.

6. Күніне кем дегенде бір шыны шай ішіңіз. Бұл сусынның пайдалы қасиеттерінің керемет тізімі бар: жастықты сақтайды, қатерлі ісіктен қорғайды, салмағыңызды бақылауда ұстауға көмектеседі.

7. Өзіңізге ұнайтын нәрсені жасаңыз. Көптеген әйелдер жиі кездесетін қателік жібереді: олар үнемі басқа біреу үшін өмір сүреді, бізге бір ғана өмір берілгенін ұмытып кетеді. Таңертең анасы отбасының барлық мүшесі үшін таңғы ас дайындайды, Мектепке жиналуға көмектеседі. Ал барған жұмысында басқалармен бірдей тыным таппай еңбек етеді.

      Содан кейін ол азық-түлікке жүгіреді, азық-түлік сатып алады және барлығына кешкі ас дайындай бастайды. Кейін балаларының сабақтарын тексеру және басқа да маңызды міндеттерді жүзеге асырады.

       Демалыс күндеріне «жаһандық жуу» және «жалпы тазалау» жиі орын алады. Бұл қатал шеңберде өзіңізге уақыт қайдан табасыз?

    Егер де отбасыңыз Сіздің міндеттеріңіздің бір бөлігін өздеріне алса, Сіздің жақындарыңыз көп жұмыс істемейтіндіктен оларға ауырлық түспейді. Есіңізде болсын, Сіз өз үйіңіздің қызметшісі емессіз,  Сіз әйелсіз!

8. Таңертең және кешке бетіңізге күтім жасауды ұмытпаңыз – сұлулықтың толық рәсімін орындаңыз. Бұл Сізге және жақындарыңызға сұлулықтан рахаттану сезімін сыйлайды.

9. Күніне 10 не 15 минут спортпен шұғылдануға тырысыңыз. Ең болмаса жеңіл спорттық жаттығулармен болса да айналысыңыз.

10. Өзіңізді жағымды әрі ұнататын нәрселермен еркелетіңіз. Бұл Сізге қайталанбас сезім сыйлайды.

Ұлжан СӘБИТҚЫЗЫ.