ҚАЗАҚСТАННЫҢ ХАЛЫҚ ӘРТІСІ ОМАРОВА ЖАМАЛ МҰҚАШҚЫЗЫНА АРНАЛҒАН «ӨНЕГЕЛІ ӨМІР» АТТЫ КӨРМЕ ӨТЕДІ

Өтетін орны: ҚР ҚК Мемлекеттік Әскери-тарихи музейі, Нұр-Сұлтан қаласы, Республика даңғылы 2
Өтетін күні мен уақыты: 21 мамыр, 2022 ж., сағат 11:00
Байланыс телефоны: +7(7172) 44-26-19; +7(775)390-01-86;

        2022 жылғы 21 мамырда ҚР ҚК Мемлекеттік Әскери-тарихи музейінде ҚР Мемлекеттік орталық музейімен бірлесе Қазақстанның халық артисі, қазақ ұлттық операсы мен ән мәдениетін дамытуға үлкен үлес қосқан Омарова Жамал Мұқашқызының 110 жылдығына арналған «Өнегелі өмір» атты көрмесінің ашылуы жоспарлануда. Көрмеде Жамал Мұқашқызының концерттік көйлегі, жеке заттары, өмірі мен шығармашылығынан сыр шертетін фотосуреттер мен архивтік құжаттар көрсетіледі.

       Омарова Жамал Мұқашқызы – Қазақстанның халық әртісі, қазақ ұлттық операсымен ән мәдениетін дамытуға үлкен үлес қосқан тұлға, бүкіл елдің зор сүйіспеншілігімен құрметіне бөленген шын мәнінде нағыз халықтың әншісі. Өзі туған өңірдің халықтық ән дәстүрінің бай қазынасын бойына сіңірген Жамал Мұқашқызы майданда жаумен соғысқан сарбаздардың рухын әнімен, қайталанбас ғажап дауысымен көтеруге ат салысқан болатын. 1943 жылы Жамал Омароваға Қазақстанның еңбегі сіңген әртісі атағы беріледі, Қазақ КСР халық әртісі деген атақты да осы жылы алады.

         Көрме аясында Қазақстан Республикасы Қарулы Күштері Ұлттық әскери-патриоттық орталығы Орталық ансамблінің артистерінің орындауында әндер орындалады.

ҚР ҚК
МЕМЛЕКЕТТІК ӘСКЕРИ-ТАРИХИ МУЗЕЙІНІҢ БАСПАСӨЗ ҚЫЗМЕТІ.