ТІЛ МЕМЛЕКЕТТІҢ ТҰҒЫРЛЫ ТІРЕГІ

Тіл- мемлекеттің тұғырлы тірегі, халықтың рухани байлығы, өткені мен болашағының айқын көрінісі. Тіл қай елде болса да қастерлі, құдіретті. Ол достықтың кілті, ынтымақтастықтың бастауы, ырыс-берекенің алды. Кез келген тілді меңгеру мәселесіндегі басты шарт – адамның өзінің ішкі ой-ниеті мен қажеттілігі. Жетпей тұрғаны – адамдардың ықыласының аздығы. Осы ықыласты оятып, қазақ тілін қоғамдағы бірінші қажеттілікке айналдыру керек. Бұл тұста Елбасымыз – Нұрсұлтан Әбішұлы Назарбаев «Қазақтың болашағы – қазақ тілінде», – деп алдымызға айқын жол ашып берді. Бізге тек осы ұстанымды жүзеге асыруға бар күш-жігерді аямай, еңбек ету ғана қалды.

Мемлекеттік тілді білу – әр жанұяның, әр ұжымның негізгі мақсаты. Қазақ тілі туған тілім екендігіне өте қуаныштымын және мақтан етемін. Өзім тәжік этносының өкілі мектепте қазақ тілінде білім алдым. Жоғары оқу орнында ​ қазақ тілі мен әдебиеті пәнінің мұғалімі мамандығы бойынша білім алудамын. Сол, ана тілімізді шын мәнінде мемлекеттік ету әрбіріміздің перзенттік һәм азаматтық парызымыз.

С.Жоланова,

Мақтаарал ауданы тәжік этносының өкілі.