ОҚУШЫМЫЗ ҚР РЕСМИ ЭКО-АМБАССАДОРЫ АТАНДЫ
Posted by: Қалмұрат
in PRESS RELEASE, Білім саласы, Жаңалықтар, Құттықтау
26/10/2021
24 Views
Нұр-Сұлтан қаласындағы Назарбаев Зияткерлік мектебінің 12С сынып оқушысы Сәнім Зейінғабыл ҚР ресми Эко-Амбассадоры атанды.
Эко-Амбассадор экологиялық бастамалар мен жобаларды табысты ілгерілетудің маңызды және ажырамас бөлігі. Табиғат жанашырларына экологиялық жобаларды ілгерілетуге, экологиялық сананы дамытуға, күнделікті өмірде экологиялық қағидаларды ұстану қажеттілігіне ықпал ету ерекше міндеті жүктелген.
«Менің жобам ол мектептегі экологиялық қозғалысты дамыту, танымдылықты арттыру болатын. Сондықтан мен Эко клубтың лидері ретінде өткен жыл бойы онлайн режимде көптеген республикалық және халықаралық іс-шараларды өткіздім. Мәжіліс депутаты, министірліктің өкілдері, бизнес өкілдері, Қазақстандағы экологияны негіздеген өкілдермен жұмыс жасадым. Халықаралық іс-шарадан кейін, министірлік өкілдері жасалған жұмысты ескере отырып, мектептің ұсынысымен мені Қазақстан Республикасынның ресми Эко-Амбассадорлығына ұсынды».-деді ол өз сөзінде.
Жас табиғат жанашырының айтуынша, адам қоршаған ортаның тазалығы үшін жауапкершілікті өзіне алып, электр энергиясын, суды үнемдеу, экологиялық тұрғыда таза өнімді қолдану сияқты қарапайым ережелерді сақтай білуі қажет.
Бұл тұста, Назарбаев Зияткерлік мектептері эко белсенділерді үнемі қолдау үстінде.
Нұр-Сұлтан қаласындағы Назарбаев Зияткерлік мектебінің
баспасөз қызметі.
2021-10-26
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
