ТҮРМЕ – ТҮЗЕТУ ЕМЕС, ТҮЗЕЛУ МЕКЕНІ

       Өмірде қателеспейтін адам бар ма, жоқ әрине. Ал қылмыс жасайтындар ше? Олар да көптеп табылады, дегенмен, қылмыс жасағандардың бәрі бірдей емес.

       Сотталғандардың арасында да неше түрлі жан бар. Жазатайым аяғын шалыс басқан жандардың өз қателіктерін түсініп, қоғамға толыққанды азамат болып оралуы үшін не істеген жөн? Бұған біреулер «оларды бірден түзеу мекемелеріне жөнелту керек» дейді. Қылмыс жасағандарды түрмеге тоғыта берсе, өздері ақ кейін түзеліп шығады деп сенеді. Бірақ, көп жағдайда түзеу мекемелері көпшілік ойлағандай бола бермейтіні сөзсіз. Түрме қылмыс жасағанды түзетуге емес, оның түзелуіне ықпал етуі керек. Түзеу мекемелері қабырғасында ұйымдастырылатын түрлі, мәдени, спорттық шаралар жазасын өтеушілердің тәртібін түзеуге ғана емес, ішкі жан дүниесіне жылылық ұялатып, жақсылыққа жетелейді. Түрме сотталғандарға енді сот жүрмейді дейтін жер емес. Адам баласы қай жерде болмасын заңдылықтың сақталғандығын қалайды. Онсыз адам баласының аңнан айырмашылығы болмас та еді.

          Жазатайым қылмыс жасап, жазасын өтеуге түскен жандардың түзелуіне, бағыт алуына сай олар үшін заң талаптары толығымен жүзеге асуы тиіс. Өйткені заң қашанда ақ пен қараны бөліп бере алады. Ендеше, қара қылды қақ жаратын әділет заңы қайда болмасын сақталуы тиіс.

М.ОРАЗАЛИЕВА,

Шымкент қалалық №1 ПҚ бөлімі аға инспекторы әділет аға лейтенанты.