SAQBOL ҚОСЫМШАСЫ 100 МЫҢНАН АСТАМ РЕТ ЖҮКТЕЛГЕН

2020 жылғы 4 желтоқсан.   Нұр-Сұлтан қ.

«Saqbol» мобильді қосымшасы 100 мың пайдаланушының белгісін еңсерді, олардың 100-ден астамы COVID-19 науқастарымен байланыс туралы хабарлама алды.

«Saqbol» қосымшасы коронавирустық инфекцияның таралуын COVID-19 жұқтыру қаупі туралы пайдаланушыларды ескерту жолымен азайту үшін жасалған.

«100 мыңдық жүктеу – бұл өте жақсы көрсеткіш, өйткені қосымша тек қазан айында іске қосылды, бірақ бұл да жеткіліксіз. Тиімді болуы үшін ел тұрғындарының кем дегенде 60%-ы қосымшаны смартфондарына орнатуы керек. Сондықтан мен қазақстандықтарды Сіз бен жақындарыңыздың қауіпсіздігі үшін «Saqbol» қосымшасын жүктеуге және ПТР-тест оң болған жағдайда хабарлама жіберуден қорықпауға шақырамын. Хабарламалар анонимді, ауырғандардың аты-жөнін, мекенжайын, байланыстарын, орналасқан жерін көрсетудің қажеті жоқ», — деп түсіндірді «Ұлттық ақпараттық технологиялар» АҚ Басқарма төрағасы Әсет Тұрысов.

Saqbol пайдаланушылардың телефондары арасында Bluetooth арқылы шифрланған деректерді беру арқылы жұмыс істейді. Егер адам COVID-19 ПТР тестін тапсырса және оң сынақтан өтсе, ол соңғы 14 күн ішінде 2 метр қашықтықта 5 минуттан артық байланыста болған адамдарға жасырын түрде ескерту жасай алады. Мұндай хабарламаны 100-ден астам адам алды. Пайдаланушы онымен байланысқан кезде және қай жерде covid-19 ауруы туралы мәліметтер берілмейді.

Қосымша GooglePlay мен АppStore дүкендерінде қолжетімді.

Қосымша ақпарат:

Анар Мағзұмова

Қоғаммен байланыс басқармасының басшысы

+7 7172 740596

+77775552085

* * * * * * * *

Анықтама үшін: «Ұлттық ақпараттық технологиялар» АҚ «электрондық үкіметтің» инфокоммуникациялық инфрақұрылымының және мемлекеттік органдардың бірыңғай көлік жүйесінің операторы болып табылады, сондай-ақ орталық және өңірлік мемлекеттік органдардың ақпараттық жүйелеріне жүйелік-техникалық қызмет көрсетуді жүзеге асырады.