ЖҮКТІЛЕРДЕГІ ГИПЕРТОНИЯ – АНА МЕН БАЛА ДЕНСАУЛЫҒЫНА ҚАУІП

          Жүктілік – әйел өміріндегі ең жауапты кезеңдердің бірі. Осы уақытта болашақ ананың денсаулығына ерекше көңіл бөлу қажет. Солардың ішінде жиі кездесетін мәселелердің бірі – артериялық гипертония, яғни қан қысымының жоғарылауы.

         Дәрігерлердің айтуынша, жүктілік кезінде қан қысымының көтерілуі ана мен бала үшін қауіпті асқынуларға алып келуі мүмкін. Сондықтан әр жүкті әйел өз қан қысымын тұрақты бақылап отыруы тиіс.

           Гипертония дегеніміз не?

         Артериялық гипертония – қан қысымының 140/90 мм сын.бағ. және одан жоғары болуы. Жүктілік кезінде бұл жағдай алғаш рет пайда болуы немесе бұрыннан бар гипертонияның асқынуы мүмкін.

           Неліктен қауіпті?

        Қан қысымының жоғары болуы:

• анада инсульт, жүрек жеткіліксіздігі, бүйрек зақымдалуы қаупін арттырады;

• ұрыққа оттегі мен қоректік заттардың жеткізілуін төмендетеді;

• нәрестенің салмағы аз болып тууына;

• мерзімінен бұрын босануға;

• преэклампсия секілді ауыр асқынуларға әкелуі мүмкін.

       Қандай белгілер байқалады?

      Кейбір әйелдерде ешқандай белгі болмауы мүмкін. Бірақ жиі кездесетін симптомдар:

• бас ауруы;

• көздің бұлдырауы;

• бас айналу;

• аяқ-қолдың қатты ісінуі;

• жүрек қағуы;

• әлсіздік.

      Осындай белгілер байқалса, міндетті түрде дәрігерге қаралу қажет.

      Қалай алдын алуға болады?

• Тұзды тағамды азайту;

• Дұрыс тамақтану;

• Артық салмақ қоспау;

• Жеткілікті ұйқы;

• Таза ауада серуендеу;

• Дәрігер бақылауынан тұрақты өту;

• Қан қысымын үй жағдайында өлшеп отыру.

         Есте сақтаңыз:

            Жүктілік кезінде өзін-өзі емдеуге болмайды. Қан қысымын түсіретін дәрілерді тек дәрігер тағайындауы керек. Уақытында анықталған гипертония ана мен баланың денсаулығын сақтауға мүмкіндік береді.

Арзыкулова Маржан Усенбатыровна,

кардиолог дәрігер.