Warning: Trying to access array offset on false in /var/www/vhosts/sayipqiran.kz/httpdocs/wp-content/themes/jarida/functions/common-scripts.php on line 150
ПРЕЗИДЕНТТІҢ ЖОЛДАУЫ – ХАЛЫҚ ҮШІН СЕНІМДІ БОЛАШАҚҚА ЖОЛ - САЙЫПҚЫРАН.KZ Ақпаратты-сараптамалық порталы
2025 жылғы Қазақстан халқына Жолдау – еліміздің дамуы мен азаматтардың өмір сапасын арттыруға бағытталған стратегиялық құжат деп ойлаймын. Бұл Жолдау білім мен ғылымды дамыту, денсаулық сақтау жүйесін жетілдіру, жастар саясатын қолдау, әлеуметтік әділеттілікті қамтамасыз ету және экологиялық мәселелерді шешу сияқты маңызды бағыттарды нақты көрсетеді.
Мен, Кулимкан Чагирова, әсіресе әлеуметтік мәселелерге ерекше көңіл аудардым. Халықтың әл-ауқатын көтеру, тұрмысы төмен азаматтарға қолдау көрсету – қоғамның берік әрі әділ дамуының негізі. Әлеуметтік қолдаулар азаматтардың өмір сүру сапасын арттыруға,тең мүмкіндіктер беруге бағытталған маңызды қадам болып табылады.
Сонымен бірге, Жолдауда білім, ғылым, мәдениет пен өнер салаларының дамуына ерекше көңіл бөлінгені қуантады. Заманауи технологияларды енгізу, талантты жастарды қолдау және ұстаздардың мәртебесін көтеру – еліміздің интеллектуалды әлеуетін арттыруға, жастардың кәсіби дамуына және шығармашылық қабілеттерін дамытуға серпін берері айқын деп санаймын. Сондай-ақ, әрбір азаматқа өз мүмкіндіктерін толық жүзеге асыруға, болашағына сенімді қадам жасауға мүмкіндік туғызбақ.
Жалпы, Президенттің Жолдауы – еліміздің тұрақты даму жолына шығаратын нақты жоспарлар мен шешімдердің көрінісі. Ол халықтың өмір сапасын жақсартуға, әлеуметтік әділеттілікті қамтамасыз етуге және әрбір азаматқа сенімді, әділ болашақ құруға жол ашады деп нық сеніммен айтуға болады.
Журналистика саласына кездейсоқ келіп қалсам да бұл салаға қызығушылығым оянғандықтан журналистикада жүргеніме 20 жыл болды. Алғашқы еңбек жолымды "Керуенбасы" газетінде корректорлықтан бастадым. Содан бері баспа журналистиканың барлық саласынан өттім. 2 рет газет шығарушы баспагер де болдым. Осы сайтымнан Сіздер өздеріңізге қажетті ақпараттар аласыздар деген ойдамын.
Сіздер біздің жаңалықтарымызды: https://www.facebook.com/me/
https://twitter.com/KalmuratD www.sayipqiran.kz%2F%3Fp%3D8202
https://www.instagram.com/saipkiran.kz/ https://t.me/sayipkir арқылы да біле аласыздар.
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
