ЖАЙСЫЗ АУА РАЙЫ КҮТІЛУДЕ

Қараша айының соңында Қазақстан аумағының басым бөлігі оңтүстік циклонның ықпалында болады-деп хабарлайды Қазгидромет.

Ол өзімен бірге қар әкеледі, жекелеген өңірлерде қалың қар, сондай-ақ көктайғақ, бұрқасын және желдің күшеюі күтіледі. Алайда,  кезеңнің ортасынан бастап ауа райын кең антициклон анықтай бастайды, онымен жауын-шашынның тоқтатылуы және ауа температурасының төмендеуі күтілуде екен. Сондықтан ұзақ сапарға шыққанда сақтық шараларын ұмытпау керектігі ескертілуде.

Естеріңізде болса, еліміздің төтенше қызметі ауа-райының қолайсыздығына байланысты 28 қараша күні  сағат 20.00-де  “Алматы-Термез-Ташкент” автотрассаның 160−238 шақырымы (Қордай асуында) жүк көліктері үшін жабылғанын хабарлаған болатын.