НАУРЫЗ МЕЙРАМЫ – КӨКТЕМ МЕН ЖАҢАРУ МЕРЕКЕСІ!

       Ұлттық киім – қазақ халқының тарихы, мәдениеті мен салт-дәстүрінің көрінісі. Бұл күні қазақстандықтар өздерінің бірегейлігін дәстүрлі киім арқылы көрсете отырып, мәдени мұраның құндылығын мойындайды.

         Ұлттық киім күні – халықтың сыртқы келбеті мен ішкі өзіндік санасы арасындағы терең байланысты сезіну. Ұлттық киім – қазақ халқының құндылықтарын, тұрмыс-тіршілігін, дүниетанымын бейнелейтін өткен дәуірдің шифрланған хабары. Ол бүгінде ұлттық мақтаныштың, эстетикалық көріністің символына және жаңа заманға ұштасқан қымбат мұраға айналды.

      Бүгінгі жаһандану мен жаңару жағдайында ұлттық нақышқа деген ықылас қайта оянды. Дәстүрді заманауи сән трендтерімен үйлестірген этно-стиль танымал трендке айналуда. Қазақстандық дизайнерлер бұл сегментті қарқынды  дамытып, ұлттық нақыштағы элементтері бар киімдер тігіп жүр.

        Ұлттық киімнің жастар арасында кеңінен таралуы олардың өзін-өзі тануға деген сұранысынан туындаған. Қазір қазақ тіліндегі этникалық элементтері бар, күнделікті киюге арналған киімдерге – ою-өрнек, кесте, ұлттық нақыштар мен патриоттық бағыттағы ұрандар бейнеленген заманауи стильге сұраныс артты.

       Ұлттық киім бүгінде заманауи сән үлгісіне айналды. Оны дәріптеуге арналған күн сайын ғасырлық мұраның қадірін сезінуге, ұлттық стильдің жаңа қырларын ашуға, ортақ мәдени құндылықтар арқылы ел бірлігін нығайтуға септігін тигізеді.

          Осы орайда  Қазақстан  Республикасының  президенті Қ.К.Тоқаевтың  наурыз мейрамын атап өту тұжырымдамасына  сәйкес  мектебімізде наурыз  айының  әр күніне  атау қойылып тақырыпқа сай  түрлі іс – шаралар  ұйымдастырылуда соның  бірі 18 наурыз  ұлттық  киім күніне орай ұлттық киімді  дәріптеу  мақсатында ұстаздар және оқушылар ұлттық  киім үлгісінде осы бастаманы қолдап, түрлі іс-шараларға  қатысып, сонымен қатар мектебіміз тек  ұлттық  киімді ғана емес осыған қосымша салт-дәстүрлерімізді де дәріптеуде.

Менлибаев Асилбек Рысбекович,

Кенесары хан атындағы №62 ЖББМ КММ информатика пәні мұғалімі.

Абдукаримова Карлигаш Калдыбаевна,

Кенесары хан атындағы №62 ЖББМ КММ математика пәні мұғалімі.

Жетісай ауданы.