ЖАҢА ТЕХНОЛОГИЯНЫҢ АРҚАСЫНДА МАҚТАНЫҢ ӨНІМДІЛІГІ 60 ЦЕНТНЕРДІ ҚҰРАП ОТЫР

       Мемлекетіміздің басшысы Қасым-Жомарт Кемелұлы Тоқаевтың ел халқына арнайтын дәстүрлі Жолдауларындағы берілген тапсырмаға сәйкес, ағын суды үнемді пайдалану мақсатында, 2030 жылға дейін еліміздің суғармалы егістік алқаптарында тамшылатып суғару технологиясын кеңінен қолдану керектігі нақты айтылған болатын.

        Ағымдағы  жылы Мақтаарал ауданы бойынша жалпы 2,0 мың гектар алқапқа тамшылатып суғару технологиясын енгізу жосапрланған болса, бүгінгі таңда 1,5 мың гектарға су үнемдеу технологиясы енгізілді (оның ішінде: 500 гектар мақта, 1000 гектар бақша, көкніс дақылдары).

       2025 жылы тамышалтып суғару технологиясы енгізілетін алқапты көбейту мақсатында жаңа технологияны пайдалана отырып, өнімін еккен «Хамро ата» ауылшаруашылығы өндірістік кооперативінде аудандық көлемде семинар-кеңес өткізілді.

      Айта кетерлігі бүгінде «Хамро ата» АШӨК ағымдағы жылы 310 гектар алқапқа мақта дақылын тамшылатып суғару технологиясы арқылы егіп, бүгінде өнімін жинауға кіріскен. Бұл жерде жалпы өнімділік 1 гектарға 58-60 центнерді құрап отыр (ауданның орташа өнімділігі 26,2 центенрді құрауда). Ағын су көлемі біршама үнемделіп, өнімділіктің көлемі 2-2,5 есеге артты. Сонымен қатар, тамшылатып суғару технологиясын енгізген шаруаларға мемлекет тарапынан кеткен шығынның 80%-ы субсидия ретінде өтелетін болады.