АУДАНЫМЫЗДА КІШІ ФУТБОЛДАН ТУРНИР ӨТТІ

       Еліміздің айтулы мерекесі – Республика күні мерекесі қарсаңында Жетісай аудандық «Жастар ресурстық орталығы» мен облыстық қоғамдық даму басқармасы «Қоғамдық келісім» мекемесінің Жетісай аудандық филиалының ұйымдастыруымен «Спорт — бізді біріктіреді» тақырыбымен спорттың кіші футбол түрінен жастар арасында аудандық жарыс өтті.

       Жетісай қаласындағы Бекзат Саттарханов атындағы спорт кешенінде этнос жастары арасында өткен теңбіл доп шеберлерінің жарысына Түркістан облысының Қоғамдық даму басқармасы «Қоғамдық келісім» КММ-нің Жетісай аудандық филиалының басшысы Данияр Мырзамуратов, «Жастар ресурстық орталығы» КММ-нің басшысы Нұршарифиддин Мейірбек қатысты.

       Аталмыш футбол турнирінің мақсаты бірнеше ұлттың өкілдері тұратын аудан жастары арасындағы достық пен толеранттылықты нығайту, салауатты өмір салтын қалыптастыру болып табылады. Спортқа жаны құмар жастардың арасында өткен аудандық турнирде 10 команда өз бақтарын сынады.

       Қызықты да тартысты өткен турнирде: І орын — “Ақ жол” командасына, ІІ орын — “Әл-Фараби” командасына, ІІІ орын — “Айдос” командасына бұйырса, “Үздік ойыншы” атағын — Тұрдымұратов Еламанға, “Үздік қорғаушы” — Тұрсұнов Тоймұрад, “Үздік қақпашы” — Мұсылман Нұркен иеленді. Тартысты өткен сайыстың жеңімпаздарына арнайы дипломдар, медальдар мен кубоктар табысталды.

      Айта кетеррлігі ауданымызда жастар арасында осындай спорттық жарыстар жиі өткізіліп тұрады. 17-қараша студенттер күніне орай, орта арнаулы оқу орындары студенттері арасында «Спорт-біздің серігіміз!» ұранымен волейболдан турнир өткізіліп, онда Ғ.Мұратбаев атындағы Жетісай гуманитарлық-техникалық колледжі жүлделі І орынды иеленсе, турнирдың «Үздік қорғаушысы» номинциясымен ДШБ 22-1 тобының студенті Тәжімахан Мақсат Айтбайұлы марапатталды. Сонымен қатар, жақында «Жастар ресуртық орталығының» ұйымдастыруымен жастарға патриоттық тәрбие беру, салауатты өмір салтын насихаттау және қызметкерлер арасындағы ынтымақтастық пен қарым-қатынасты нығайту мақсатында ұйымдастырылған шара Жетісай қаласындағы “Хамза” жабық спорт кешенінде аудан жастары арасында «Дүйсенбілік футбол» спорттық шарасы өткізілді. Мұндай спорттық шаралар алдағы уақыттарда жалғастыру жоспарланып отыр.

С.ҚУАНЫШБЕК,

Жетісай ауданы.