ӨНЕГЕЛІ ОТБАСЫМЕН ЖҮЗДЕСУ

        №5 «Мақтаарал мектеп-гимназиясы» коммуналдық мемлекеттік мекемесінде белгіленген жоспарға сәйкес қосымша білім беру педагогы Алия Нұрсейітованың ұйымдастыруымен   «Өнегелі отбасымен жүздесу»  тақырыбында Атакент кентіндегі  өнегелі Шалқаровтар отбасымен кездесу өтті.

      Жүздесуді өткізудегі мақсат – көпшілікке үлгі болуға лайық өнегелі отбасыны көрсету арқылы оқушыларға тәлім- тәрбие беру, үлкенге құрмет, кішіге ізет көрсету сияқты асыл қасиеттерді бойына сіңіру еді.

         Рыскүл Шалқарова апай «Қыз бала үйде – алтын, жұмыста – күміс, тұрмыста – темір» деген өнегелі сөзді мысалға келтіріп, қыз баланың тәрбиесіне қатысты ақыл-кеңесін жеткізді.

         Кездесуде шаңырақ шаттығы мен ұлттық тәрбиені ұлықтайтын бүгінгі күнге аман-есен жеткен ұлттық салт-дәстүрлеріміз туралы кеңінен әңгіме болды.

        Алдағы уақытта осындай үлгілі отбасылармен кездесулеріміз жалғасын табатын болады.

С.КЕНЖЕТАЕВ, Атакент кенті.