УЛУРУ МОНОЛИТІ

         Қайда орналасқан: Улуру-Ката-Тюта ұлттық паркі, Солтүстік территория, Австралия

         «Австралияның қызыл жүрегі» деп аталатын Улуру немесе Айерс Рок – мыңдаған жылдар бұрын елдің осы бөлігінде болған тау сілемінен қалған жалғыз нәрсе. Табиғи апаттар да, табиғи эрозия да, уақыт та оны бұза алмады. Мұның бар сыры  Улуру– алып монолит. Яғни, бұл қарапайымтілмен айтсақ, ол алып тас. Оның жер үсті бөлігі сопақша пішінді және жазықтан 348 метрге көтеріледі. Жартастың ұзындығы 3,6 шақырым, ені 2,4 шақырым. Бірақ ғалымдардың пікірінше, оның көп бөлігі жер астында жасырылған.

          Бұл ерекше және оғаш монолиттің тағы бір ерекшелігі  – ол күн сәулесінің қай бұрышқа түсетініне байланысты түсін өзгертеді. Мысалы, Улуру күн батқан сәтте ерекше әсерлі көрініп, ашық сарғыш-қызыл реңкке ие болады. Осы ерекшелігінің орай жыл сайын көптеген туристер оны көруге ағылады.

         Улуру монолит осы аймақты мекендейтін анангу аборигендері үшін қасиетті орын саналады. Оның негізінде қабырғаларында ежелгі аң-құстар салынған шағын үңгірлер бар, ал беткейлерде әлі күнге дейін аборигендердің қасиетті рәсімдері мен діни амалдары өткізіліп тұрады.

         Улуру және оның айналасындағы ұлттық саябақ бүгінде ЮНЕСКО-ның «Бүкіләлемдік мұралар тізіміне» енгізілген.