ӨНЕР ШЫРАҚШЫСЫ

Жуырда Атакент ауылдық жасөспірімдер кітапханасында – 13 қазан күні әнші, композитор қазақ ән өнерінің мэтрі Е.Хасанғалиевтің 80 жасқа толуына байланысты  «Өнер шырақшысы» атты өнер сағаты онлайн түрінде болып өтті.

Осы өнер сағатында алдымен Ескендір Хасанғалиевтің өмірбаянынан деректер келтірдім. Ескендір Өтегенұлы Хасанғалиев 1940 жылы 13 ақпанда Батыс Қазақстан облысында туған. Ол 1959 жылы Құрмaнғaзы aтындaғы Aлмaты мемлекеттiк консервaториясының вокaльды-хорлық фaкультетiн Е. Виногрaдов пен Н. Шaриповaның клaсы бойыншa курсты, 1978 жылы Әль-Фaрaби aтындaғы Шымкент мәдениет институтын бітірді. Өмірін өнерге арнаған өнер тұлғасының атақты «Атамекен», «Әдемі», «Асыл арман», «Өмірімнің жазы», «Ескірмеген махаббат» әндерін білмейтін қазақ жоқ.

Композитор халқымыздың ән өнеріне зор үлесін қосып келеді. Оның репертуарындағы авторлық туындылары көпшіліктің оң бағасын алған. Ол осы кезге дейін қазақ, орыс, татар, неміс ақындарының өлеңдеріне де көптеген әндер жазған. Халыққа 200-ге жуық ән, романс және хорға арналған шығармаларды ұсынды.

Кеш барысында кітапхананың тұрақты оқырмандары әнші репертуарындағы әндерін орындады. Алдағы уақытта да кітапханамызда еліміздің ұлы тұлғаларына арналған осындай іс-шараларды жиі өткізіп тұратын боламыз.

Ә.ОРАЗБЕКОВА,

Атакент ауылдық жасөспірімдер

кітапханасының меңгерушісі.