ТАПСЫРМАЛАРДЫ УАҚЫТЫЛЫ ОРЫНДАМАҒАН БАСШЫЛАРҒА ҚАТАҢ ШАРА КӨРІЛЕТІН БОЛАДЫ
Posted by: Қалмұрат
in News, PRESS RELEASE, Билік, Өзекті мәселе, Саясат, Экология
23/02/2023
10 Views
Жетісай ауданының әкімі Серік Үсенұлы Мамытов Жетісай қаласының әкімі мен коммуналдық сала басшысымен осыдан бір апта бұрын қаладағы коллекторларды тазалау, ауылдық округтердің санитарлық тазалықтарын сақтау, автомобиль жолдарының бойына тасталатын тұрмыстық қоқыстарды тазалау бойынша берілген тапсырмаларының орындалу барысын тексерді.
Әсіресе, Ә.Қашаубаев көшесі бойындағы коллектордың, қаланың арық-атыздарының тазалығын, көшелердегі қоқыс тастайтын урналардың орындарын, кәріз жүйесінің қалыпты жұмыс істеуін назарға алып, қала тұрғындармен тілдесті.
Қаладағы жалпы ұзындығы 4 шақырымды құрайтын коллектордың бойында орналасқан 172 жеке тұрғын үй мен бірнеше көлік жуу орталықтарын орталықтандырылған кәріз жүйесіне қосу жұмыстары жоспарға сай жүргізіліп жатқанымен Абай, Мақталы ауылдық округтерінде санитарлық тазалық жұмыстары мардымсыз. Осыған байланысты қос округтердің әкімдеріне сөгіс түріндегі тәртіптік шара көрілді.
Аудан тұрғындарның денсаулығы мен елді мекендердің санитарлық тазалығын тиісті дәрежеде сақтау мақсатында коммуналдық сала басшылары мен қала, кент, ауылдық округ әкімдеріне хаттамалық тапсырмалар беріліп, белгіленген мерзімде орындалмаса қатаң шара көрілетінін ескертілді.
Бауыржан НАЙМАНОВ, Жетісай ауданы.
2023-02-23
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
