ҚАЗАҚСТАННЫҢ БОЛАШАҒЫ – ҚАЗАҚ ТІЛІНДЕ

        Жетісай ауданының мәдениет, тілдерді дамыту, дене шынықтыру және спорт бөлімінің «Тілдерді оқыту және дамыту орталығы» коммуналдық мемлекеттік мекемесі, ҚР-ның Президенті Қ.К.Тоқаевтың «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасын іске асыру жөніндегі іс-қимыл жоспарының 114-тармағын орындау мақсатында әзірленген іс-шаралар жоспарына сәйкес,  Ғ.Мұратбаев атындағы Жетісай гуманитарлық-техникалық колледжінде – тіл жанашырлары, этнос өкілдері, студент жастардың қатысуымен іс-шара өткізді.

        «Қазақстанның болашағы – қазақ тілінде» тақырыбында  өткізілген осы іс-шараға аудандық әжелер алқасының төрайымы, қоғам белсендісі  А.Қоңырбаева, іріленген Мақтаарал ауданының құрметті азаматы, ҚР Журналистер одағының мүшесі, «Халық үміті» республикалық саяси газетінің бас редакторы, жазушы-журналист Ж.Ғаппар, аудандық тәжік этномәдени бірлестігінің мүшесі,  ауданымыздың тіл жанашыры Х.Турсунов, аталмыш колледж директорының орынбасары, ауданымыздың тіл жанашыры С.Аташев қатысты.

       Кездесу аясында тіл жанашырлары мемлекеттік тілдің мәртебесін,  қасиетін  көтеру баршамыздың борышымыз екеніне, егемен еліміздің болашағы – ана тілімізде екеніне тоқталды. Жиынға қатысушы жастар көкейлерінде жүрген сауалдарын қойып, тіл жанашырларымен еркін түрде пікір алмасты.

Мөлдір БАЛХАШОВА,

Жетісай ауданының мәдениет, тілдерді дамыту, дене шынықтыру және спорт бөлімінің  «Тілдерді оқыту және дамыту орталығы» КММ әдіскері.