НАННЫҢ АРАСЫНА БЕС ТЕЛЕФОН ЖАСЫРЫП ӘКЕЛГЕН
Posted by: Қалмұрат
in News, PRESS RELEASE, Қоғам, Қылмыс пен жаза
01/02/2023
16 Views
Алматы қаласындағы Тергеу изоляторында жатқан танысына сәлем-сауқат әкелген әйел таба нанның арасына бес телефон жасырып әкелген.
№72 мекеменің күдіктілер мен сотталғандарға әкелген сәлемдемелерді қабылдау орнында бақылаушылар әр затты мұқият тексереді және сәлемдеме әкелушілер үшін арнайы тақта орнатылып, онда бас бостандығынан айыру орындарына тыйым салынған заттарды өткізу әрекеті үшін қолданылатын жаза айқын жазылған.
Соған қарамастан бақылау пунктінде сәлемдемелердің ішінен тыйым салынған заттарды анықтау фактісі күн сайын тіркеледі.
Ал бес бірдей телефонды өткізбекші болған 1988 жылы туған әйел Алматы қаласының тұрғыны. Оның танысы Ж. деген азамат ҚР Қылмыстық кодексі 190 бабының 3 бөлігімен, яғни ірі мөлшерде бірнеше рет алаяқтық жасағаны үшін айыпталып, Алматы қаласы Бостандық аудандық сотының үкімімен 2023 жылдың қаңтар айында 4 жылға бас бостандығынан айыру жазасына кесілген.
Аталған факті бойынша Алматы қаласы Түрксіб аудандық полиция басқармасы алдын ала тергеп-тексеру жұмыстарын жүргізуде.
Гүлнар МАҒЗҰМОВА,
Алматы қаласы.
Қылмыстық әрекет СИЗО Таба нан арасындағы 5 нан Түрме 2023-02-01
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
