ҚАРСЫ АЛЫҢЫЗДАР «ЖЕТІСАЙ»!

       Жетісай қаласында аттас жаңа футбол клубы пайда болды, деп хабарлайды «Prosports.kz», «Meta-ratings.kz»-ге сілтеме жасай отырып.

      Ақпарат көзінің хабарлауынша, команда алдағы маусымда екінші лигада өнер көрсетуді жоспарлап отыр. «Жетісай» командасының  біріншілікке қатысу үшін лицензияланған дербес стадионы да бар. Сонымен қатар, әкімдік жаңа клуб үшін 109 миллион теңге бөліп, оған турнир кестесінде мүмкіндігінше жоғары көтерілу міндетін қойып отыр.

      Бүгінде «Жетісайдың» құрамы құрылғанмен, әзірге бас бапкер анықталмапты. Клуб бұл мәселенің жақын арада шешілетініне сендірген.

       Атап кетерлігі Жетісайда футболдың дамуына ерекше мән берілуде. Сол мақсатта  аудан аумағында құрылысы 2023 жылдың наурыз айына дейін аяқтау жоспарланған тағы да бір футбол стадионы салынып жатыр екен.