«Борышкер» атты рейдтік іс-шара жүргізілуде

      2022 жылдың 23- 25 желтоқсан күндері Алматы облысы бойынша Мемлекеттік кірістер департаментінің ұсынысымен, Алматы облысының Ішкі Істер департаменті мен Алматы облысы бойынша Жеке сот орындаушылар палатасымен бірлескен салықтық берешегі бар борышкерлер бойынша, Іле және Талғар ауданының маңындағы республикалық маңызы бар күре жолдың бойында өтетін «Борышкер» атты рейдтік іс-шара жүргізілуде.

       Шара барысында көлік құралдары салығын төлемеген жеке тұлғалардың көлігін Жеке сот орындаушысының айып тұрағына қою туралы Қаулысының негізінде айып тұрағына қойылып, салығын төлету жұмыстары атқарылады.

       Бүгінде Алматы облысы бойынша 35 461 жеке тұлғаның 2,1 млрд.теңге салыққа берешегі бар. Жыл басынан бері Жеке сот орындаушыларына 1,3 млрд.теңгеге 42 217 салықтық бұйрық шығарылып жіберілді.

       Өткен жылдарда қарызы бар жеке тұлғаларды қоса алғанда жыл басынан бері 153 690 жеке тұлғадан 2,6 млрд.теңге салық өндірілді. Қазіргі уақытта осы бағытта заңға сәйкес мәжбүрлеп өндіріп алу жұмыстары жалғасуда.

        Облыс бойынша 2021 жыл үшін 2022 жылы 150 217 жеке тұлғалардың 442 165 автокөліктеріне 6,5 млрд.теңге есептелсе, бүгінгі таңда облыс бойынша жергілікті бюджетке 6,2 млрд. теңге түсті.

Алматы облысы бойынша Мемлекеттік кірістер департаментінің баспасөз қызметі.