ПРОФЕССОР ЖАМБЫЛ ТОБАЯҚОВ АТЫНДАҒЫ ЗЕРТХАНА-ДӘРІСХАНА АШЫЛАДЫ

      20 желтоқсанда Жаратылыстану ғылымдары Академиясының академигі,  Қазақстан Республикасының Журналистер Одағының мүшесі, Қазақстан Республикасының “Қазақ тілі” қоғамының басқарма мүшесі, ғылыми-ұстаз, профессор Жамбыл Тобаяқов Ошақбайұлы атындағы зертханалық дәрісхананың ашылу салтанаты өтеді.

      Ғалым-профессор Жамбыл Тобаяқов 1975 жылы  Алматыда энергетика институтында физика факультетінің негізін қалады және 10 жыл бойы басқарған. 1994жылдан бастап өмірінің соңына дейін осы ЖОО-дың ректорының тәрбие ісі жөніндегі проректоры қызметін атқарды. Ол педагог ретінде физика және энергетика саласындағы көптеген ізбасар тәрбиелеп, ғылым саласының өркендеуіне үлес қосты. Өмірін ғылымға арнаған ғалымның 100-ден астам ғылыми еңбегі, ондаған кітабы, монографиясы, сөздігі бар. Академиктің атында Алматы қаласында көше және Алматы облысы Кербұлақ ауылында мектеп бар.

      Биыл өзі еңбек еткен Алматы Энергетика және байланыс университетінде зертхана-дәрісхана ашылғалы отыр. Оқу бөлмесі соңғы технологиялармен, Жамбыл Ошақбайұлының өмірі мен қызметінен хабар беретін стендтермен жабдықталған.

      Артында өшпес ғылыми мұра қалдырған физик-ғалымның атын мәңгілікке ұлықтау мақсатында ашылған зертхана-дәрісхананың ашылу салтанатына шақырамыз.

       Ұйымдастырушылар: Ғарыштық инженерия кафедрасы, Телекоммуникация және Ғарыштық инженерия институты.

Байланыс үшін: +7 701 111 3716,  Әлия ТОБАЯҚОВА.