ТОҒЫЗҚҰМАЛАҚТАН ЖЕЛІЛІК СПАРТАКИАДА ӨТУДЕ
Posted by: Қалмұрат
in PRESS RELEASE, Sports, Білім саласы, Жас буын, Қоғам, Спорт
12/10/2022
22 Views
Назарбаев Зияткерлік мектептерінде дәстүрлі Тоғызқұмалақтан V желілік спартакиада өтуде
Биыл дәстүрлі спартакиада Халықаралық бакалавриат мектебінің базасында өтіп жатыр, сайыстың салтанатты ашылу рәсімінде NIS IB оқушылары Нұрсая Үмбетәлі мен Ерасыл Жағалбаев бірегей ойынның тарихы мен ережелеріне тоқталып өтті.
Төрешілер командасын дәстүрлі түрде Қазақстан Республикасының Ұлттық спорт төрешісі Нұржан Қоңырбаев пен тоғызқұмалақтан Жетісу облысының аға жаттықтырушысы Бауыржан Шурин құраса, биыл олардың қатары тоғызқұмалақтан халықаралық дәрежедегі спорт шебері Медет Құсайыновпен толықты.
– Қазақ халқының қайталанбас мұрасына айналып, зият пен дәстүрді тоғыстыратын тоғызқұмалақ ойынына қатысатын оқушылармыздың саны артқаны – біз үшін командалық жеңіс, – деп атап өтті NIS-ті дамыту департаменті директорының орынбасары Аида Ағаділ.
NIS халықаралық бакалавриат мектебінің намысын Мәнсия Сыздық, Нұрхан Төлеев және Мұқаш Мұратхан қорғайды.
– Ойын өте тартысты өтуде. Оқушылар спартакиадаға сақадай сай, үлкен іріктеуден өткендері байқалады. Мектебімізден үш оқушысы қатысып жатыр. Жеңістен үміттіміз, — дейді, NIS халықаралық бакалавриат мектебінің тоғызқұмалақтан жаттықтырушысы Альмира Орынбекқызы.
Жалпы алғанда спартакиадаға Зияткерлік мектептердің жүзге жуық оқушысы қатысады, байқау аясында #Тоғызқұмалақта тапқырлық бар челленджі де бастау алды.
2020 жылдың соңында тоғызқұмалақ ЮНЕСКО-ның Әлемдік мұра нысандарының тізіміне енгізілді.
NIS халықаралық бакалавриат мектебінің баспасөз қызметі.
Назарбаев зияткерлік мектебі Тоғызқұмалақ 2022-10-12
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
