ТУҒАН ТІЛІМ-ТҰҒЫРЫМ

        Жуырда біздің кітапханамызда «5 қыркүйек-Қазақстан халқы тілдері күні» аясында әрбір елдің ұлттық мақтанышы, атадан балаға мирас болып қалып отыратын осы мұраның маңыздылығына арналған «Туған тілім – тұғырым» атты сайысты әдеби кеш болып өтті.

        Бұл әдеби кештің мақсаты – жас буынға тілдің құдіреттілігін түсіндіру, оның құдіреттілігін, ұлтымыздың мақтанышы, айбары екендігін ұғындыру. Тіл туралы тағлымдар арқылы оқушыларды адамгершілік қасиеттерге баулу, азаматтық бейнелерін қалыптастырып, тілімізді сүюге, көздің қарашығындай қорғауға шақыру, еліміздің елдігін танытатын тілі мен өнері екенін ұғындыру. Сайысқа қатысқан әр оқушының ойына, қиялына, дүниетанымына ерік бере отырып, олардың өздерінше ой түйіндеп, соны дәлелдей білуге үйрету, сөйлеу шеберліктерін жетілдіру болды.

          Әдеби кеш барысында сұрақ-жауап ойыны өткізілді. «Асыл мұра» мен «Тағылым» атты екі топқа бөлінген оқушылар – елімізде 1989 жылы алғаш рет қабылданған «Тіл туралы» ҚР Заңы туралы, қасиетті ана тілімізді, дана тілімізді, тіл өнерін, қазақ тарихындағы тіл шұрайын танып-білу және олардан үлгі алу, халқымыздың мәдениеті мен әдебиетін тіл арқылы насихаттау, адам, халық тіршілігіндегі тілдің маңызын қаншалықты білетіндерін көрсетті.

          Сонымен бірге, сайыстың «Жедел сұрақ – жедел жауап», «Сөз мәйегі – мақал», «Бұл қай тұлға?» және «Ұшқыр ой» атты кезеңдерінде өз бақтарын сынаған оқушыларын білім деңгейлерінің қаншалықты екендерін көрсетіп беріп, әдеби кешімізді қызықты өткізді. Сайыс соңында білімдарлығымен көзге түскен оқушылар Алғыс хат және бағалы сыйлықтармен марапатталды.

Зауре ИЛИМОВА,

Достық ауыл округы, Ж.Қалшораев ауылы филиал №2 кітапханасының меңгерушісі.