ЖЕТІСАЙДА 81 ШАҚЫРЫМ ЖОЛ ЖӨНДЕЛЕДІ

        Жетісай ауданында аудан әкімі Мұрат Қадырбектың тапсырмасымен тұрғындардың жол қауіпсіздігі мен жүріп-тұруына қолайлы жағдай жасау мақсатында автомобиль жолдары саласын дамыту ісі кеңінен қолға алынып отыр.

        Нақтырақ айтар болсақ, «Ауыл – ел бесігі» бағдарламасы аясында Жылы су, Мақталы, Баққоныс, Байқоныс, Алтын кемер елді мекендерінде жалпы ұзындығы 32,8 шақырымды құрайтын 38 көшеге орташа жөндеу жұмыстарын жүргізу жоспарланып, оның 20 көшесі бүгінгі таңда қолданысқа берілген.

          Одан бөлек, жалпы ұзындығы 19,6 шақырымды құрайтын елді мекендердегі 27 ішкі көшелерге 416,9 млн. теңгеге орташа жөндеу жұмыстары жүргізіліп, пайдалануға тапсырылса, 13,15 шақырымды құрайтын аудандық маңызы бар 1 автомобиль жолына күрделі жөндеу, 3 автомобиль жолдарына орташа жөндеу жұмыстары жүргізіеді деп жоспарланған.

        Сонымен қатар, ұзындығы 7,47 шақырым елді мекендердегі 17 ішкі көшелерге жүргізілген ағымдағы (тас төсеу) жөндеу жұмыстары аяқталып, 8 көшеге 8,8 шақырымды құрайтын аяқжолдар салу жұмыстары жүргізілуде.

        Елді мекендердегі 2 көше қиылысына бағдаршам қойылып, Жетісай қаласында 6 дана бейне-бақылау камералары орнатылған.

         Жетісай қаласы тұрғындарының электр қуатына деген сұранысын қанағаттандыру мақсатында алдағы уақытта 80 га аумақта 110/35/10 кВ қосалқы станциясының құрылысы жүргізілетін болады. Қосалқы станция қала аумағындағы 12 көпқабатты 440 пәтерлі үйлерді, яғни, 1842 абонентті сапалы, тұрақты электр қуатымен қамтамасыз етуге қауқарлы. Сол арқылы тұрғындардың электр қуатына деген сұраныстары толық қанағаттандырылып, әлеуметтік жаңа жұмыс орындарының ашылуына мүмкіндік жасалады.

Бауыржан НАЙМАНОВ, 

Жетісай ауданы.