БІЗДІҢ ЖӨНСІЛТЕРІМІЗ!
Posted by: Қалмұрат
in PRESS RELEASE, Қоғам, Руханият
06/04/2022
56 Views
Жетісай өңірлік мемлекеттік архивінде 2015 жылы жарық көрген «Жөнсілтер» кітабында тұрақты мемлекеттік сақтауда тұрған басқару құжаттары, жеке текті құжаттары, сондай-ақ фотоқұжаттары туралы жан-жақты мәліметтер бар.
Қазақстан Республикасы Мәдениет және спорт министрлігінің Ақпарат және мұрағаттар комитетінің Мұрағат ісі және құжаттама саласындағы ғылыми мәселелерді қарастыру жөніндегі кеңес отырысының 16 мамыр 2013 жылғы №3 хаттамасымен келісілген кітапты жариялауға ат салысқандар мекеме басшысы М.Хожаев, жауапты құрастырушы бас қор сақтаушы А.Шүкірхан.
Жөнсілтер (путеводитель) – архивте сақтауда тұрған барлық 282 қорға, оның ішінде 274 басқарма құжаттары, 8 жеке текті құжаттар қорына мәлімет береді. Жөнсілтер төрт бөлімнен құралған, алғашқы негізгі бөлімінде тұрақты мемлекеттік сақтауда тұрған қорлар туралы мәліметтер қамтылған.Жөнсілтердің негізгі бөлімі топтық және жеке сипаттаманы құрайды.
Архив мекемесінің құжаттары ғылыми, идеологиялық және халық шаруашылық мақсаттарға қолдануға арналған. 2013 жылдың 1 қаңтарындағы мәлімет бойынша Жетісай өңірлік мемлекеттік архивінде 66019 басқарма құжаттары, 2111 жеке текті құжаттар және 1487 фотоқұжаттар сақталуда.
Бұл анықтамалық шаруашылық және ғылыми қызметкерлерге, студенттерге, өлкетанушыларға арналған.
Э.АЛИПОВА, А.ОРТАЕВА,
Жетісай өңірлік мемлекеттік архивінің архивистері.
2022-04-06
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
